Мэдээ мэдээлэл - Saikhan.mn

5 хоногийн урьдчилсан мэдээ

dorj — Mon, 13 Oct 2025 15:04:19 +0800

Малчид, тээвэрчид, тариаланчдын анхааралд:

14-нд Завхан, Хөвсгөл, Архангай, Булган, Орхон, Сэлэнгэ, Дархан-Уул аймгийн нутгаар нойтон цас, цас орж, ихэнх нутгаар хүйтэрч, зам даваанд хальтиргаа гулгаа үүсэж, үзэгдэх орчин хязгаарлагдах, ил задгай төмс, хүнсний ногоо хайрагдах нөхцөл бүрдэж байгааг онцгойлон анхааруулж байна.

2025 оны 10-р сарын 13-ны 20 цагаас 2025 оны 10-р сарын 14-ний 20 цаг хүртэлх

цаг агаарын урьдчилсан мэдээ:

Хур тунадас: Ихэнх нутгаар үүлшинэ. Шөнөдөө баруун болон зүүн аймгуудын нутгийн хойд, төвийн аймгуудын нутгийн баруун болон хойд, говийн аймгуудын нутгийн баруун хэсгээр, өдөртөө баруун болон говийн аймгуудын нутгийн зүүн хэсэг, төв болон зүүн аймгуудын нутгийн зарим газраар нойтон цас, цас орж, зөөлөн цасан шуурга шуурна.

Салхи: Нутгийн хойд хэсгээр баруун өмнөөс баруун хойш эргэж, бусад нутгаар баруунаас секундэд 7-12 метр, нутгийн зарим газраар зарим үед секундэд 15-17 метр хүрч ширүүснэ.

Агаарын температур: Нутгийн хойд хэсгээр хүйтэрч Шөнөдөө Хөвсгөлийн уулархаг нутаг болон Дархадын хотгор, Завхан, Заг, Байдраг голын эх, Хүрэнбэлчир орчмоор -15...-20 градус, Увс нуурын хотгор, Монгол-Алтай, Хангай, Хэнтийн уулархаг нутаг, Идэр, Эг-Үүр, Ерөө, Тэрэлж, Хэрлэн, Онон, Улз, Халх голын хөндийгөөр -8...-13 градус хүйтэн, говийн бүс нутгийн өмнөд хэсгээр +5...+10 градус дулаан, бусад нутгаар -3...-8 градус хүйтэн, өдөртөө Увс нуур болон Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз голын хөндийгөөр -3...+2 градус, говийн бүс нутгийн өмнөд хэсэг, Дарьгангын тал нутгаар +12...+17 градус, бусад нутгаар +3...+8 градус дулаан байна.

УЛААНБААТАР ХОТ ОРЧМООР: Үүлшинэ. Шөнөдөө хур тунадас орохгүй, өдөртөө ялимгүй хур тунадас орно. Салхи шөнөдөө баруунаас, өдөртөө баруун өмнөөс хойш эргэж секундэд 5-10 метр, зарим үед секундэд 13-15 метр хүрч ширүүснэ. Шөнөдөө Яармаг-Сонгины орчмоор -6...-8 градус, бусад хэсгээр -3...-5 градус хүйтэн,

44-өөс дээш сурагчтай ангид туслах багш ажиллана

dorj — Mon, 26 Aug 2024 15:07:01 +0800

Боловсролын сайдын шуурхай хурал өнөөдөр боллоо. Хурлын үеэр хүүхэд бүрийг тэгш хамруулан сургах, багшийн ачааллыг бууруулах хүрээнд ирэх есдүгээр сарын 1-нээс 44-өөс дээш сурагчтай 1, 2-р ангид туслах багш ажиллуулах шийдвэр гаргажээ.

Мөн сургалтын чанарыг сайжруулах, сайн туршлагыг дэлгэрүүлэх, багшийн хөгжлийн дэмжих зорилгоор, Боловсролын ерөнхий хуульд заасны дагуу Багш, удирдах ажилтныг шилжүүлэн ажиллуулах журмын төслийг боловсруулах асуудлыг хэлэлцжээ.

Зарим нэр бүхий бөхчүүдээс тайлбар мэдүүлэг авч байна

dorj — Sat, 03 Aug 2024 17:37:17 +0800

Монголчуудын олон зуун жилээс өвлөгдөн ирсэн үндэсний бөхийг хойч үедээ цэвэр ариунаар өвлүүлэн үлдээх нь Монголын Үндэсний Бөхийн Холбоо, түүний салбар зөвлөлүүд, нийт бөхчүүд, жаяг дэгийн багийн гишүүдийн үүрэг юм.

Энэ жил 100 гаруй сум түүхт ойн баяр наадмын бөхийн барилдааныг зохион байгуулснаас цөөнгүй гомдол, санал МҮБХ болон Ёс зүй, сахилга хариуцлагын зөвлөлд ирээд байна. Эдгээр гомдол, саналын дагуу нэр бүхий бөхчүүд, жаяг дэгийн багийн гишүүдийн зөрчлийг нягтлан хэлэлцэж, дүрмийн дагуу тайлбар, мэдүүлгүүдийг авч байна.

Монгол бөхийн ёс жудгийг эрхэмлэж, үзэгч олноо хүндэтгэн дээдэлж, үнэнч шударга барилдаж байхыг нийт бөхчүүдээс хүсье!

Бөхчүүдийн ёс зүй, төлөвшил, хүмүүжилд онцгой анхаарч ажиллахыг нийт аймаг, сумын холбоод, дэвжээдийн удирдлага, багш, дасгалжуулагч нарт уриалж байна.

ЁС ЗҮЙ, САХИЛГА ХАРИУЦЛАГЫН ЗӨВЛӨЛ

Швейцарын Холбооны Улсын Ерөнхийлөгчийг албан ёсоор угтаж авлаа

dorj — Sat, 03 Aug 2024 17:04:52 +0800

Монгол Улсын Ерөнхийлөгч Ухнаагийн Хүрэлсүхийн урилгаар Швейцарын Холбооны Улсын Ерөнхийлөгч Виола Амхерд 2024 оны 08 дугаар 02-04-ний өдрүүдэд анх удаа төрийн айлчлал хийж байна.

Монгол Улсын Ерөнхийлөгч У.Хүрэлсүх Швейцарын Холбооны Улсын Ерөнхийлөгч Виола Амхердийг Д.Сүхбаатарын талбайд албан ёсоор угтаж авлаа.

Төрийн хүндэт харуулын захирагч айлтгал өргөсний дараа хөгжимд хоёр улсын Төрийн дуулал эгшиглэв. Ерөнхийлөгч нар Төрийн ёслолын цэргийн цагаан тугт мэхийн ёсолж, Ерөнхийлөгч Виола Амхерд Төрийн хүндэт харуулын цэргүүдтэй мэндчилэв.

Төрийн тэргүүн нар угтах ёслолд хүрэлцэн ирсэн Монгол Улсын болон Швейцарын Холбооны Улсын албаны төлөөлөгчид, Монгол Улсад суугаа Дипломат төлөөлөгчийн газруудын тэргүүн, Олон улсын байгууллагын суурин төлөөлөгчидтэй мэндчиллээ. Ерөнхийлөгч нар Их эзэн Чингис хааны хөшөөнд хүндэтгэл үзүүлсний дараа Ерөнхийлөгч Виола Амхерд Төрийн ордны Хүндэт зочны дэвтэрт гарын үсэг зурлаа.

Хоёр улс 1964 оны 05 дугаар сарын 22-ны өдөр дипломат харилцаа тогтоосон бөгөөд найрсаг харилцаа, хамтын ажиллагаатай юм.

Д.Ганбаатар Б.Баасанхүүд автомашин, дасгалжуулагчдад мөнгөн урамшуулал амлав

dorj — Fri, 02 Aug 2024 23:34:23 +0800

Монголын жүдо бөхийн холбооны дэд ерөнхийлөгч, Макс группийн ерөнхийлөгч Д.Ганбаатар Парис-2024 олимпоос мөнгөн меДаль хүртсэн Б.Баасанхүүд хувийн зүгээс автомашин, дасгалжуулагчдад мөнгөн урамшуулал өгөхөө амлажээ.

Орхон аймагт түрүүлсэн аймгийн өсөх начин О.Баярбаасан түрүү бөхийн байгаа хандивлалаа

dorj — Fri, 02 Aug 2024 23:15:38 +0800

Орхон аймгийн баяр наадамд түрүүлсэн аймгийн өсөх начин О.Баярбаасан түрүү бөхийн бай болох 4 сая төгрөгийг Ө.Батзул начины гэр бүлд хандивлалаа.

Монгол улсын начин Ө.Батзул таалал төгсжээ

dorj — Tue, 30 Jul 2024 22:05:29 +0800

Улсын начин Ө.Батзул зуурдаар таалал төгсжээ.

Тэрээр Ардын хувьсгалын 100, 101 жилийн түүхт ойн баяр наадамд урамтай сайхан барилдаж улсын начин цол хүртсэн.

Талийгаач ирэх сарын 1-нд болох Эрдэнэт хотын наадамд оролцохоор бүртгүүлэх замдаа авто тээврийн осолд өртжээ.

Түүний ар гэр , төрөл төрөгсөд, анд найз нөхөд, бөхийн спортын хамт олонд гүн эмгэнэл илэрхийлье.

Жинхэнэ ЛИДЕР хүний шинж

dorj — Mon, 29 Jul 2024 01:27:11 +0800

Лидер хүнд хамгийн хэрэгтэй чадвар юу вэ? Энэ асуултад хүмүүс янз бүрээр хариулдаг. Харин би "төсөөлөх чадвар” гэж хариулах байна. Дэлгүүр барих гэж байгаа бол тэр дэлгүүр хэдэн давхар, ямар дизайнтай, цонх нь ямар байх вэ гэх мэтийг нүдэндээ харагдтал төсөөлөх чадвар хэрэгтэй болно. Амьдрал дээр ихэнх төслийн зорилго, зорилтот ажлын үр дүн нь дэлгүүр юм уу, байшин гэх мэт биет зүйлс шиг энгийн нүдэнд харагдах зүйл биш байдаг. Тийм тохиолдолд эцсийн үр дүнг төсөөлөх тийм ч амар биш, хүн болгон чадахгүй. Санхүүгийн асуудлыг яаж шийдэх вэ? Хүмүүсийг яаж хөдөлгөх вэ? Ямар зохион байгуулалттай байх вэ? Зорилго том, даваа өндөр, саад бартаа олон байх тусам лидерээс төсөөлөх чадвар улам их шаардагдана. Тухайн ажил дуусахад юу бүтэж, ямар үр дүн гарсан байх талаар бодож, бодож, бодож, бараг өдрийн 24 цагт сэрүүндээ бодож, унтаж байхдаа зүүдэлж тунгаасны эцэст маш тод, өнгөт дүр зураг санаанд тодорч, бүтэн цогц VISION-той болж ирдэг. Ингэж чадвал ажил амжилтад хүрэх гол нөхцөл бүрдэх нь тэр. Тэгээд тэрхүү дүр зураг, мөрөөдөл зорилгоо багийн гишүүддээ байнга хэлж ярьж, адилхан вижн, дүр зураг төсөөлж, түүнийг бүтээх эрмэлзэл бий болгохоор хичээж ажиллахад хангалттай.

Мөн өмнө нь хамт олон яаж ажиллавал амжилтанд хүрэх тухай өөрийн туршлага, бодлыг нэгтгэн emos сүлжээгээр бичиж байсан тэмдэглэлээс сөхвөл лидерийн тов тодорхой төсөөлж, зорилго болгосон вижнийг багаараа ажиллаж бодит зүйл болгохын тулд дараах дадал, бүрдлүүд хэрэгтэй.

СУДАЛГАА, ТӨЛӨВЛӨГӨӨ

Энэ бол хийж эхлэхийн өмнөх үе шат. Сайтар судлах, бэлдэх шаардлагатай гэдэг хэнд ч ойлгомжтой.

НИЙТЛЭГ ДҮР ЗУРАГ

Юу хийх гэж байгаа талаар бүгдээрээ нийтлэг төсөөлөл (vision), ойлголттой болох. Нэг нь онгоц, нөгөө нь машин төсөөлөөд байвал бүтэхгүй.

АЖЛЫН ХУВААРИЛАЛТ

Хэн хаана тохиромжтой вэ? Хэн хаана ажиллах сонирхолтой вэ? Жижиг том бүх зорилт хариуцах эзэнтэй байх.

ЭЦЭСЦЭГ

Бүх ажилд эцэсцэг буюу deadline заавал тавигдсан байх

ТОДОРХОЙ БАЙДАЛ

Хүн болгонд тэр хүн өөрөө юу хийх, яаж оролцох нь тодорхой, ойлгомжтой байх хэрэгтэй.

АМАЛСНАА БИЕЛҮҮЛЭХ

Хүн бүр амалснаа заавал биелүүлдэг уур амьсгалыг эхнээс нь бүрдүүлэх. Энэ бол онцгой чухал нөхцөл, тиймгүй бол ажил нурна.

САНААЧЛАГА

Багийн гишүүд тухайн ажлын утга учир, үнэ цэнийг сайтар мэдэрсэн байх. Ингэснээр өөриймсөг хандлага, бүтээлч санаачлага гарч ирдэг.

БАГИЙН УУР АМЬСГАЛ

Бие биеэ сайн мэдсэн, дотно нөхөрсөг уур амьсгал бүрдсэн байх нь чухал.

ЖИГД ОРОЛЦОО

Нэг хоёр хүн идэвхигүй, эсвэл хариуцлагагүй байх нь бусад хүмүүст муу дуурайл болж, нийтээрээ назгайрах үндэс болдог.

БИЕ ДААСАН АЖИЛЛАГАА

Гишүүд хариуцаж авсан хэсэг тус бүртээ бие даан шийдвэр гаргаж чаддаг байх.

ОНОВЧТОЙ КОММЮНИКАЦ

Ажил хэргийн үг хэллэгэн дээр буруу зөрүү ойлголцохгүй байх. Тухайн ажилд гарч ирэх ухагдахуун бүхэнд оновчтой нэршил тогтоож, нийтээр мэдэж байх.

ХУРД

Сунжирч цаг алдсанаар хүмүүсийн эрч хүч сулардаг. Чухал зорилтот ажил дээр бол нэг дор сайн төвлөрч, хурдтайгаар амжуулах.

УДИРДАХ ХЭСГИЙН НОЁН НУРУУ

Ахлагч, зохицуулагч шийдвэрээ байн байн өөрчилж, итгэл алдахгүй байх. Чиг шугамаа олон дахин өөрчлөхгүй байх.

БАТ ЭРМЭЛЗЭЛ

Заавал дуусгана, заавал амжилтад хүрнэ гэсэн бат эрмэлзэлгүй бол эхний хэдэн бэрхшээлд сөхөрч унана.

УИХ-ын гишүүн Б.Чойжилсүрэнг буудахаар дайрчээ

dorj — Sat, 27 Jul 2024 10:45:00 +0800

УИХ-ын гишүүн Б.Чойжилсүрэн өнөөдөр Увс аймгийн Улаангом хотод онгоцоор буужээ. Энэ үеэр онгоцны буудал дээр нэгэн этгээд түүнийг буудахаар дайрсан ба тухайн орчинд байсан иргэд нийлж, дарж унагаж, аюулгүй болгосон байна. Ингээд цагдаагийн байгууллагад дуудлага өгснөөр шалгаж эхэлжээ.

Гэрчүүдийн мэдээллээр, тухайн этгээд нь Д гэгч бөгөөд тус аймагт үйл ажиллагаа явуулдаг Дүрт-Уул гэх компанийн захирал байна. Тухайн компани Улаангом хотод "Ойрад театр”-ын барилга барих тендер авсан ч ажлаа цаг хугацаанд нь дуусгаагүй, жил дамнуулан төсөв суулгуулдаг асуудлаар олон нийтэд мэдээлэгдэж байсан билээ.

Олимпийн хотхонд архи ууж, тамхи татсан хэмээн Шоко Мияатаг хотхоноос хөөжээ.

dorj — Fri, 26 Jul 2024 18:44:21 +0800

Японы гимнастикийн шигшээ багийн ахлагч Шоко Мияата Парис 2024 олимпийн Тамирчдын тосгонд тамхи татаж, архи уусан гэж хөөгдлөө.

Багийн ахлагч, 19 настай Ш.Мияатаг нутаг буцаах шийдвэрийг холбоо нь гаргажээ

Мияата бол Японы үндэсний аварга бөгөөд 2022 оны дэлхийн аварга шалгаруулах тэмцээнд хүрэл медаль хүртэж, гимнастикийн бүх төрлийн тэмцээнд тавдугаар байрт орсон тамирчин юм.