Нийгэм - Saikhan.mn

44-өөс дээш сурагчтай ангид туслах багш ажиллана

dorj — Mon, 26 Aug 2024 15:07:01 +0800

Боловсролын сайдын шуурхай хурал өнөөдөр боллоо. Хурлын үеэр хүүхэд бүрийг тэгш хамруулан сургах, багшийн ачааллыг бууруулах хүрээнд ирэх есдүгээр сарын 1-нээс 44-өөс дээш сурагчтай 1, 2-р ангид туслах багш ажиллуулах шийдвэр гаргажээ.

Мөн сургалтын чанарыг сайжруулах, сайн туршлагыг дэлгэрүүлэх, багшийн хөгжлийн дэмжих зорилгоор, Боловсролын ерөнхий хуульд заасны дагуу Багш, удирдах ажилтныг шилжүүлэн ажиллуулах журмын төслийг боловсруулах асуудлыг хэлэлцжээ.

Хүлээлт ихтэй байгаа сайд П.Наранбаяр

dorj — Mon, 15 Jul 2024 14:11:00 +0800

Улсын их хурлын ээлжит сонгууль өнгөрсөн сард болж наадмын өмнө хамтарсан засгийн газрын бүрэлдэхүүн тодорсон билээ. Шинээр томилогдож буй сайд нарын дотор Боловсролын яамыг толгойлох П.Наранбаярын нэр анхаарал татаж байна. Шинэ Монгол сургуулийн гүйцэтгэх захирлын албыг хашиж байх хугацаандаа монголын томоохон сургуулиудын нэг болгож чадсан түүнийг өөрчлөлт авчирна хэмээн олон хүн итгэл хүлээлгээд байна. Салбартаа ажиллаж байсан, салбараа мэддэг хүн яам толгойлж буй нь эерэг өнцөг юм. Цалин хөлс муу, ажлын ачаалал их багш нарын нийгмийн асуудлыг хэрхэн шийдвэрлэж, боловсролын чанарыг хэрхэн сайжруулахыг харах л үлдлээ. Улсын хөгжлийн голлох салбар болох боловсролын яамыг толгойлж буй хүний хувьд багш нарын цалин, ажлын ачаалал, анги дүүргэлт гээд анхаарал асуудал их. Мөн жил бүрийн хавар хэл ам дагуулдаг "Гүйцэтгэлийн үнэлгээний шалгалт"-ыг үргэлжлүүлэх эсэхийг шийднэ.

Халуун ус хязгаарлах байршил

dorj — Sun, 14 Jul 2024 14:53:45 +0800

Дулааны шугамын засвар, шинэчлэлийн ажил 2024 оны тавдугаар сарын 15-наас эхэлж, наймдугаар сарын 12-нд дуусах хуваарьтай байна.

Графикийн дагуу тодорхой байршлуудад хэрэглээний халуун усыг хязгаарлаж байна.

7 сарын 16-наас 30-ныг хүртэл хэрэглээний халуун ус хязгаарлах байршлын мэдээллийг хүргэж байна.

Зогсолт 7 VII/16 - VII/30 /14 хоног/

Төмөр замын удирдах газрын орчим, 2, 3, 4, 6-р бичил хороолол орчим, мөн Төв гандан хийд, хуучнаар Эх нялхас, МҮОНРТ орчмын хэрэглэгчид Түндэмүн саун, Гурван билэг их дэлгүүрийн урд тал орчмын хэрэглэгчид

100 жилийн ойгоо тэмдэглэх 102 сумын наадмын тов

dorj — Wed, 10 Jul 2024 03:39:14 +0800

Завхан аймгийн арван сумын тэгш ой тохиож байна. Товоо ийнхүү тогтоожээ. Үүнд:

-Баянтэс сум: Долдугаар сарын 19, 20-нд,

-Баянхайрхан сум: Долдугаар сарын 20, 21-нд,

-Сонгино сум: Долдугаар сарын 21, 22-нд,

-Сантмаргаз сум: Долдугаар сарын 26, 27-нд

-Дөрвөлжин сум: Долдугаар сарын 20, 21-нд,

-Ургамал сум: Долдугаар сарын 19, 20-нд

-Отгон сум: Долдугаар сарын 18, 19-нд,

-Цагаанхайрхан сум: Долдугаар сарын 19, 20-нд

-Шилүүстэй сум: Долдугаар сарын 17, 18-нд

-Яруу сум: Долдугаар сарын 26, 27-нд болно.

Архангай аймгийн тэгш ой нь тохиож буй сумд:

-Батцэнгэл сум: Долдугаар сарын 20, 21-нд,

-Хайрхан сум: Долдугаар сарын 19,20,21-нд

-Чулуут сум: Долдугаар сарын 15, 16, 17-нд,

-Өлзийт сум: Долдугаар сарын 17, 18-нд,

-Жаргалант сум: Долдугаар сарын 17, 18, 19-нд болно.

Сүхбаатар аймгийн тэгш ой нь тохиож буй сумдын тухайд:

-Уулбаян сум: Долдугаар сарын 15-28-ны хооронд,

-Эрдэнэцагаан сум: Долдугаар сарын 15-28-ны хооронд болно.

Баянхонгор аймгийн тэгш ой нь тохиож буй сумдын тухайд:

-Баацагаан: Долдугаар сарын 17,18,19-нд

-Бууцагаан, Гурванбулаг, Заг сум: Долдугаар сарын 18, 19, 20-нд

-Өлзийт, Жинст сум: Долдугаар сарын 19, 20, 21-нд тэмдэглэнэ.

Ховд аймгийн тэгш ой нь тохиож буй сумд:

-Алтай сум: Наймдугаар сарын 18-20-нд,

-Дарви сум: Долдугаар сарын 22-24-нд,

-Мянгад сум: Наймдугаар сарын 19-20-нд,

-Зэрэг сум: Наймдугаар сарын 22-24-нд,

-Цэцэг сум: Наймдугаар сарын 7-9-нд болно.

Өвөрхангай аймгийн тэгш ой нь тохиож буй сумдын тухайд:

-Богд сум: Долдугаар сарын 26, 27

-Баян-Өндөр сум: Долдугаар сарын 27, 28

-Бат-Өлзий сум: Долдугаар сарын 26, 27

-Баянгол сум: Долдугаар сарын 25, 26

-Баруунбаян Улаан сум: Долдугаар сарын 26, 27

-Тарагт сум: Долдугаар сарын 26, 27

-Гучин-Ус сум: Долдугаар сарын 26, 26

-Төгрөг сум: Долдугаар сарын 25, 26

-Хужирт сум: Долдугаар сарын 25, 26-нд болно.

Хэнтий аймгийн тэгш ой нь тохиож буй сум:

-Норовлин сум: Долдугаар сарын 17-19-нд болно.

Хөвсгөл аймгийн тэгш ой нь тохиож буй сумд:

-Шинэ-Идэр сум: Долдугаар сарын 17-19-нд

-Галт сум: Долдугаар сарын 17-19-нд

-Тосонцэнгэл сум: Долдугаар сарын 16-18-нд тэмдэглэнэ:

Дундговь аймгийн тэгш ой нь тохиож буй сумд:

-Эрдэнэдалай сум: Долдугаар сарын 19-20,

-Дэлгэрцогт сум: Долдугаар сарын 20-21,

-Хулд сум: Долдугаар сарын 22-23,

-Дэлгэрхангай сум: Долдугаар сарын 24-25,

-Сайхан-Овоо сум: Долдугаар 26-27-ны өдрүүдэд тэмдэглэхээр товложээ.

Дорнод аймгийн тэгш нь ой тохиож буй сумд:

-Булган сум: Долдугаар сарын 19, 20-нд,

-Баян-Уул сум: Долдугаар сарын 20,21-нд,

-Халхгол сум: Долдугаар сарын 21,22-нд,

-Матад сум: Долдугаар сарын 22.23-нд тус тус болно.

Дорноговь аймгийн тэгш нь ой тохиож буй сумд:

-Даланжаргалан сум: Долдугаар сарын 5,6,7-нд,

-Иххэт сум: Долдугаар сарын 7,8-нд,

-Сайхандулаан сум: Долдугаар сарын 9,10,11-нд,

-Алтанширээ сум: Долдугаар сарын 17,18-нд,

-Айраг сум: Долдугаар сарын 19,20 21-нд,

-Дэлгэрэх, Хөвсгөл сум: Долдугаар сарын 15,16-нд,

-Мандах сум: Долдугаар сарын 18,19,20-нд,

-Хатанбулаг сум: Долдугаар сарын 19,20,21-нд,

-Өргөн, Эрдэнэ сум: Долдугаар сарын 24,25,26-нд болно.

Увс аймгийн тэгш ой нь тохиож буй сумд:

-Бөхмөрөн сум: Наймдугаар сарын 14, 15

-Өндөрхангай сум: Долдугаар сарын 17, 18

-Тэс сум: Наймдугаар сарын 8, 9

-Зүүн Хангай сум: Долдугаар сарын 21, 22

-Өмнөговь сум: Долдугаар сарын 27, 28

-Ховд сум: Наймдугаар сарын 20, 21-нд болно.

Мөн түүнчлэн Булган аймгийн Бугат, Дашинчилэн, Сайхан, Хутаг-Өндөр, Рашаант, Говь Алтай аймгийн Алтай, Баян-Уул, Бигэр, Бугат, Дарви, Дэлгэр, Жаргалан, Тайшир, Тонхил, Төгрөг, Хөхморьт, Цогт, Цээл, Чандмань, Шарга, Эрдэнэ сумын 100 жилийн ой тохиож байна.

Төв аймгийн тухайд Батсүмбэр, Баян зэрэг нийт 7 сумын тэгш ой тохиож байна. Мөн Сэлэнгэ аймгийн Баруунбүрэн, Зүүнбүрэн, Цагааннуур, Мандал, Шаамар, Цагаан нуур, Eрөө, Түшиг сумын тэгш ой нь тохиож буй юм.

Нийгэм судлалын хичээлээр 31 сурагч 800 оноо авчээ

dorj — Sat, 06 Jul 2024 15:44:30 +0800

2024 оны Элсэлтийн Ерөнхий Шалгалт 3 дахь өдрөө үргэлжилж байна. Элсэлтийн шалгалтын 2 дахь өлөр явагдсан "Нийгэм судлал"-ын хичээлийн шалгалтад оролцсон сурагчдаас 31 сурагч 800 оноо авчээ. Эдгээр 31 сурагчийн 9 нь Улаанбаатар хотод шалгалт өгсөн бол үлдсэн 22 сурагч орон нутгийн шалтгалтын төвүүдэд шалгалт өгсөн байна.

Англи хэлний хичээлээр 35 сурагч 800 оноо авчээ.

dorj — Fri, 05 Jul 2024 23:35:38 +0800

Англи хэлний хичээлээр ЭЕШ өгсөн нийт шалгуулагчдаас 35 сурагч 800 оноо авчээ. Эдгээр сурагчдын 28 нь Улаанбаатар хотод шалгалт өгсөн байна. Харин үлдсэн 7 сурагч Өвөрхангай, Орхон, Дархан-Уул, Сүхбаатар аймгуудад шалгалт өгсөн байна.

Түүхийн хичээлээр улсын хэмжээнд 1 сурагч 800 оноо авчээ.

dorj — Fri, 05 Jul 2024 23:25:46 +0800

Элсэлтийн ерөнхий шалгалт 7-р сарын 4-нд түүхийн хичээлээр эхэлсэн билээ. Энэ жил түүхийн хичээлээр ЭЕШ өгсөн сурагчдаас 1 сурхгч 800 оноо авсан байна. Тодруулбал тухайн сурагч нь Өвөрхангай аймгийн сурагч бөгөөд анхны оноо-98 байсан байна. Энэхүү амжилт нь энэ жилийн ЭЕШ өгсөн сурагчдаас хамгийн өндөр оноо үзүүлэлт болж байна.

Саналаа хэрхэн өгөх вэ?

dorj — Sun, 23 Jun 2024 14:22:51 +0800

САНАЛ АВАХ БАЙРАНД САНАЛ ӨГӨХ

Санал авах ажиллагаа

Санал авах ажиллагаа 07:00 цагт эхэлнэ.

Санал авах ажиллагаа эхэлмэгц зөөврийн битүүмжилсэн саналын хайрцгаар санал өгсөн сонгогчийн регистрийн дугаараар бүртгэл хийж, сонгогчийн бүртгэлийн хуудсыг итгэмжлэгдсэн ажилтнаар гаргуулан авах бөгөөд зөөврийн битүүмжилсэн саналын хайрцгийн битүүмжлэлийг нээж, саналаа өгсөн сонгогчийн саналын хуудсыг санал тоолох төхөөрөмжид хийнэ.

Сонгогч өөрийн байнга оршин суугаа газрынхаа харьяа хэсэгт санал өгөх бөгөөд сонгогчийн саналыг зөөврийн битүүмжилсэн саналын хайрцгийн битүүмжлэлийг нээж, саналаа өгсөн сонгогчийн саналын хуудсыг санал тоолох төхөөрөмжид хийж дууссаны дараа авч эхэлнэ.

Санал авах байранд ажиллаж байгаа итгэмжлэгдсэн ажилтан санал өгөхөөр ирсэн сонгогчийн гарын хурууны хээг тухайн хэсгийн сонгогчдын нэрийн жагсаалтын цахим сантай тулган таниулж, сонгогч саналаа өгснийг илэрхийлэх тэмдэглэгээ хийсэн эсэхийг нягтлан шалгасны үндсэн дээр зөрчилгүй бол сонгогчийн бүртгэлийн хуудас олгоно.

Сонгогчийн бүртгэлийн төхөөрөмж ажиллахгүй, эсхүл ажиллах боломжгүй болсон бол тухайн сонгогчийн иргэний үнэмлэхийн мэдээллийг сонгогчдын нэрийн жагсаалттай тулган шалгаж, тэмдэглэл үйлдэх бөгөөд уг тэмдэглэлийг үндэслэн тухайн сонгогчид саналын хуудас олгоно. Энэ тохиолдолд иргэний бүртгэлийн итгэмжлэгдсэн ажилтан сонгогчийн тухайн цаг үеийн гэрэл зургийг авч, овог, нэр, регистрийн дугаар болон бүртгэлийн хуудас олгосон цаг, минутыг тэмдэглэсэн цаасан архив үүсгэж хадгална.

Гарын хурууны хээгээр нь сонгогчийг таних боломжгүй бол сонгогчийн иргэний үнэмлэхийн мэдээллийг сонгогчдын нэрийн жагсаалттай тулган шалгаж сонгогчийн бүртгэлийн хуудас олгох бөгөөд цахим болон цаасан архив үүсгэж хадгална.

Сонгогч шилжих журмын дагуу шилжин ирсэн сонгогчийн шилжих хуудсыг давхар шалгаж, сонгогчийн бүртгэлийн хуудас олгоно.

Хэсгийн хорооны гишүүн сонгогчийн бүртгэлийн хуудсыг авч саналын хуудас олгоно. Бүртгэлийн хуудсыг сонгуулийн бичиг баримтад хавсаргана.

Саналын хуудас авсан сонгогчоор сонгогчдын нэрийн жагсаалтад гарын үсэг зуруулна.

Санал авах ажиллагаанд хэвлэл мэдээллийн байгууллагын төлөөллийг байлцуулж болно.

Санал авах байранд нэр дэвшигч болон зөвшөөрөлгүй бусад этгээд байхыг хориглох бөгөөд энэ нь тэдгээр этгээд саналаа өгөхөд хамаарахгүй.

Санал авах өдрийн 22:00 цагт сонгогчийн бүртгэл зогсох бөгөөд бүртгэлийн хуудсаа авсан сонгогчийн саналыг нь өгүүлнэ.

Сонгогч саналаа өгөх

Сонгогч санал авах байранд иргэний үнэмлэхтэй ирж, саналаа биечлэн өгнө.

Сонгогч саналын хуудсанд бичигдсэн зааврын дагуу тэмдэглэгээ хийж саналаа өгнө.

Сонгогч санал бэлтгэх бүхээгт саналаа нууцаар тэмдэглэнэ. Хэсгийн хорооны дарга, гишүүд болон холбогдох бусад этгээд сонгогчийн саналын нууцлалыг алдагдуулахыг хориглоно.

Сонгогч саналаа тэмдэглэсний дараа саналын нууцлалыг хангах зориулалт бүхий хавтас хэрэглэж саналын хуудсыг санал тоолох төхөөрөмжид хийнэ.

Сонгогч саналаа тэмдэглэсэн саналын хуудсаа санал тоолох төхөөрөмжид хийсний дараа тухайн сонгогч саналаа өгснийг илэрхийлэх тэмдэглэгээг Сонгуулийн ерөнхий хорооноос баталсан зааврын дагуу хийнэ.

Сонгогч санал тэмдэглэхдээ алдаа гаргаж буруу тэмдэглэл хийсэн бол саналын хуудсаа санал тоолох төхөөрөмжид хийхээс өмнө энэ тухай хэсгийн хороонд мэдэгдэж, алдаатай саналын хуудсыг хураалгаж, дахин нэг удаа саналын хуудас авч, саналаа өгч болно.

Санал тоолох төхөөрөмж саналын хуудсыг таньж уншаагүй бол сонгогч энэ тухай хэсгийн хороонд мэдэгдэж, уг саналын хуудсыг хураалгаж, дахин саналын хуудас авч, саналаа өгч болно.

Хэсгийн хороо хураалгасан саналын хуудасны зүүн доод өнцгийг хайчлан, тэмдэглэл хөтлөн хадгална.

Эрүүл мэндийн байдал, хөгжлийн бэрхшээл болон боловсролын түвшнээс шалтгаалан саналаа биечлэн өгөх чадваргүй сонгогч өөрийн итгэмжилсэн сонгуулийн эрх бүхий иргэний туслалцаатайгаар саналаа өгч болно.

Энэ хуулийн 62.9-д заасан итгэмжилсэн хүн нь хоёроос дээш сонгогчид туслалцаа үзүүлэхийг хориглоно. Сонгуулийн байгууллагын ажилтан, нэр дэвшигч, ажиглагч, улс төрийн албан тушаалтан нь итгэмжилсэн хүн байж болохгүй.

Хэсгийн хороо нь санал авах ажиллагаа хуульд заасны дагуу явагдаж байгаа эсэхэд хяналт тавьж, сонгогчийн саналаа нууцаар өгөх эрх зөрчигдсөн тохиолдолд түүнийг таслан зогсоох арга хэмжээг авна.

Санал авах өдөр ажиллаж байгаа сонгогчид тухайн байгууллагын удирдлага чөлөө олгож, түүнийг санал өгөх боломжоор хангах үүрэгтэй.

Харааны бэрхшээлтэй сонгогч саналаа өгөхөд зориулсан саналын хуудсыг унших, саналаа тэмдэглэх тусгай зориулалтын брайл үсэг бүхий хавтас санал авах байр бүрд байна.

Санал авах байр нь тэргэнцэртэй сонгогч орох боломжоор хангагдсан байна.

Сонгогчид дараах зүйлийг хориглоно

Тухайн санал авах байранд саналаа өгөх эрхгүй гэдгээ мэдсээр байж санал өгөх, эсхүл өөр хүний бичиг баримт, хуурамч бичиг баримт ашиглах зэргээр санал өгөх, санал өгөхийг оролдох;

Тухайн хэсгийн хорооноос олгосноос өөр саналын хуудсыг санал өгөхөд ашиглах, эсхүл санал авах байранд гаднаас саналын хуудас авч орох, санал авах байрнаас саналын хуудас авч гарах;

Саналын хуудсанд тэмдэглэсэн саналаа болон бусад сонгогчийн саналыг баримтжуулан зураг авах, дүрс бичлэг хийх, шууд дамжуулах зэрэг үйлдэл гаргах;

Саналын хуудсанд хийсэн тэмдэглэгээг бусдад харуулах, зориулалтын бус үзгээр санал тэмдэглэх;

Аль нэг нэр дэвшигчийн төлөө санал өгөх, эсхүл өгөхгүй байхаар амлалт авах, мөнгө, эд зүйл шаардах, авах.

Сонгогч саналын хуудсанд саналаа тэмдэглэх үед тухайн сонгогчийн дэргэд өөр хүн байхыг хориглоно. Энэ нь итгэмжилсэн хүнд хамаарахгүй.

Саналын нууцлал

Сонгогч сонгуульд шууд сонгох эрхийнхээ үндсэн дээр ямар нэг төлөөлөлгүйгээр оролцож, саналаа нууцаар гаргана.

Сонгогч саналаа нууцаар гаргах ба хөндлөнгийн нөлөөгүйгээр хүсэл зоригоо илэрхийлж, саналаа гаргах боломжоор хангагдсан байна.

Сонгогч саналаа нууцаар өгөхөд шаардагдах бүхээгээр хангагдана.

Санал авах байранд сонгогчдоос саналаа нууцаар, чөлөөтэй илэрхийлэх боломжийг хангасан, хэсэг дэх сонгогчийн тооноос хамааран хоёроос доошгүй тооны санал бэлтгэх бүхээг байх бөгөөд санал авах байр бүрд хөгжлийн бэрхшээлтэй иргэдэд зориулсан нэгээс доошгүй санал бэлтгэх бүхээгийг тусгайлан тоноглож бэлтгэсэн байна.

Санал авах байрны хяналтын камерыг сонгогч саналаа нууцаар, чөлөөтэй илэрхийлэхэд саад учруулахгүйгээр байрлуулж, сонгогчийг бүртгэх болон санал өгөх орчинд явагдаж байгаа үйл ажиллагааг баримтжуулна.

Эх сурвалж: СЕХ

Нийслэлд нэг сая 93 мянган сонгогч саналаа өгнө

dorj — Sun, 23 Jun 2024 14:10:57 +0800

СЕХ-ны удирдлагууд Нийслэл, дүүргийн сонгуулийн хорооны хуралдаанд оролцож, УИХ-ын 2024 оны ээлжит сонгуулийн үйл ажиллагааг зохион байгуулах бэлтгэл ажлын явцын талаар мэдээлэл солилцсон байна. Хуралдаанд нийслэлийн болон есөн дүүргийн сонгуулийн хорооны удирдлага, Нийслэлийн улсын бүртгэлийн газар, Нийслэлийн цагдаагийн удирдах газар, Нийслэлийн онцгой байдлын газар, Улаанбаатар цахилгаан түгээх сүлжээ ТӨХК-ийн удирдлагууд оролцож, бэлтгэл ажлын үйл явцыг мэдээлэв.

СЕХ-ны дарга П.Дэлгэрнаран ил тод, нээлттэй байдлыг бүрэн хангаж ажиглагч, иргэд хяналт тавих боломжийг бүрдүүлэх талаар сонгуулийн хороодын удирдлагуудад чиглэл өгсөн байна. Түүнчлэн хүний эрхийн мэдрэмжтэй, хөгжлийн бэрхшээлтэй иргэдтэй харилцах зөвлөмжийг дагаж ажиллахыг сонгуулийн хороодын ажилтнуудад сануулсан байна.

Нийслэлийн хэмжээнд нэг сая 93 мянган сонгогч 513 санал авах байранд саналаа өгөх бөгөөд 6000 орчим төрийн албан хаагч ажиллаж байгаа юм.

Сонгогчдын нэрийн жагсаалтыг энэ сарын 23-нд эцэслэж, хэсгийн хороодод хүргүүлэх аж. Энэ удаагийн сонгуулиар 800 гаруй бүртгэлийн итгэмжлэгдсэн ажилтан ажиллах бөгөөд 2000 дээш сонгогчтой хэсгийн хороонд хоёр ажилтан байхыг Нийслэлийн бүртгэлийн газраас мэдээллээ.

Солонготын давааг хатуу хучилттай авто зам болгоно

dorj — Fri, 21 Jun 2024 05:58:38 +0800

Шадар сайд бөгөөд Эдийн засаг, хөгжлийн сайдын шийдвэрээр Завхан аймгийн Их-Уул сумын Солонготын давааны 11.66 км авто замыг хатуу хучилттай болгох зураг төслийг боловсруулж байна.

Тус зам тавигдсанаар байгалийн үзэсгэлэн бүрдсэн Завхан аймгийн Тэлмэн нуураар аялж, байгалийн сайханд ая тухтай, аюулгүй зорчих, зугаалах нөхцөл бүрдэж, улмаар аялал жуулчлал хөгжиж, ард иргэдийн орлого нэмэгдэх боломж бүрдэнэ.

Улаанбаатар хотоос 733 гаруй км зайд орших уг даваагаар ихэвчлэн Увс, Завхан аймгийн иргэд зорчдог бөгөөд нийслэлд хүрэх цор ганц зам юм.