Тэртээ 13 дугаар зуунд харилцаа холбооны анхны сүлжээг морин өртөөгөөр байгуулж явсан түүх Монголчуудад бий. Өгөдэй хааны үед бүрэн утгаараа хөгжиж байсан морин өртөө нь анхны телеграф төхөөрөмж, телефон утас бүтээх хүртэл олон зууны турш мэдээллийн урсгалыг дэлхий даяар дамжуулах үндэс суурь болсон байдаг. 

Тэгвэл дэлхий даяар интернэт сүлжээ ашиглах болсноор мэдээллийг нүд ирмэх зуур дамжуулах болж хүн төрөлхтөний хөгжил хэдэн мянга дахин урагшилсан юм. Өнөөдөр хурууныхаа үзүүрийг хөдөлгөөд л цаг хугацаа, орон зайнаас үл хамааран гар утаснаасаа бүх төрлийн мэдээлэл, үйлчилгээ авах боломжтой болсон. 

Тухайлбал, цар тахлын үед гэрээсээ онлайн банк орохыг уриалсаар ирсэн бол өдгөө энэ нь нэгэнт өдөр тутмын хэвшил болж эхэлсэн байна. Тиймдээ ч найдвартай, ойлгомжтой, аливаа ажлыг хөнгөвчилсөн шийдэл ус агаар мэт чухал нь хэн бүхэнд мэдрэгдэж буй. Тэгвэл Хаан банк хүний ажлыг илүү хөнгөвчилсөн шийдлийг тусгасан шинэ интернэт банкны аппликейшнээ олон нийтэд танилцууллаа. 

Шинэ өнгө төрх, өргөн боломжийг багтаасан "Khan bank” аппликейшнийг гар утсандаа татаж суулгаад өмнө нь ашиглаж байсан нэр, нууц дугаараа оруулахад л хангалттай. 

Интернэт банкны бүртгэл байхгүй гэж үү? , Уг аппликэйшний тусламжтай интернэт болон мобайл банк үйлчилгээнд шинээр бүртгүүлэх боломжтой. Өмнө нь заавал банкны салбарт очиж дээрх үйлчилгээг авдаг байсан цаг үеийг мартах хэрэгтэй болжээ. Хаан банк шинэ аппликейшндээ хүний ажиллагааг илүү хөнгөвчилсөн өмнөхөөсөө илүү олон шийдлийг тусгасан ч энэ бол цахим шилжилтийн дөнгөж эхлэл нь юм. 

Хаан банкны шинэ аппликейшнийг ашигласнаар танд дараах онцлох боломж нээгдэх юм. 

Фэйсбүүк хаяг, гар утасны дугаараар гүйлгээ хийж болно

Хэн нэгэнтэй гүйлгээ хийхдээ банкны олон цифр бүхий дансны дугаарыг заавал цээжлэх, тэмдэглэх шаардлагатай тулгардаг. Харин Хаан банкны шинэ аппликейшнд шинээр нэвтэрсэн нэг зүйл бол Фэйсбүүк хаягаар нь дамжуулан бусадтай гүйлгээ хийх боломж юм. Ингэхийн тулд, та Хаан банкны шинэ аппликейшнд нэвтэрч, фэйсбүүк хаягаа холбоход л хангалттай. Харин таны гүйлгээнд харьцах хүн ч мөн адил фэйсбүүкээ Хаан банкны аппликейшнтэй холбосон байх ёстой гэдгийг битгий мартаарай.

Олон цифр бүхий дансны дугаарын оронд мөн Хаан банканд бүртгэлтэй гар утасныхаа дугаарыг ашиглах боломж шинэ аппликейшнд нэвтэрчээ.

Харилцаа холбооны зохицуулах хорооноос гаргасан судалгаагаар, 2019 онд Монгол Улсад фэйсбүүк хэрэглэгчдийн тоо 2.2 сая байгаагаас гар утсаараа холбогддог 2.1 сая хэрэглэгч байна. Харин үүрэн холбооны хэрэглэгч давхардсан тоогоор гурван сая 800 мянга байгаагаас ухаалаг утас хэрэглэгч хоёр сая 439 мянга байна.

Бусадтай хуваан төлөх хялбар боломж

Найз, нөхдөөрөө хамт зугаацсан бол төлбөрөө хуваан төлөх болдог. Ингэхдээ, хүн бүр тусдаа шилжүүлэг хийх шаардлагагүй. Шинэ Хаан банкны аппликейшнээр төлбөрөө хуваан төлөх хүмүүсийнхээ фэйсбүүк хаяг, гар утасны дугаараар нь холбоход асуудлыг хялбар шийднэ. 

Мөн бусдаас мөнгө хүлээж авах, нэхэмжлэх явуулахад ч энэ үйлчилгээ танд тусална.

Гүйлгээгээ тохируулж давтах тохиргоо

Бид гар утас, интернэтийн төлбөр, хураамж, хадгаламж зэрэгт тогтмол мөнгө шилжүүлэх шаардлагатай сар бүр нүүр тулдаг. 21 дүгээр зууны завгүй өрсөлдөөнт амьдралын хэмнэлд заримдаа хадгаламж, хуримтлалдаа мөнгө шилжүүлэхээ мартах үе бий. Тэгвэл Хаан банкны шинэ аппликейшн нь төлбөр тогтмол шилжүүлэх хугацаагаа тохируулаад л мартах боломжийг танд олгоно. Нэг давуу тал нь Хаан банкны өөрийн бусад данс руу гүйлгээ хийхэд нууц үг шаардахгүй аж. 

Гаалийн төлбөр, татвар төлөхөд хялбар

Төрийн үйлчилгээг цахимжуулж, Монголчууд цахим үндэстэн болох зорилтыг Засгийн газар дэвшүүлсэн. Энэ хүрээнд Хаан банк шинэ аппликейшндаа төрийн үйлчилгээг цахимаар авч, төлбөр тооцоогоо найдвартай, шуурхай аргаар шийдэх боломжийг нэвтрүүлж байна. Одоогоор гаалийн төлбөр, татвар зэргийг цаг хугацаа, орон зайнаас үл хамааран төлөх боломжтой болсон. Энэ шийдэл нь төрийн үйлчилгээ авахаар дугаарлан зогсох цагийг хэдэн зуу дахин хэмнэнэ гэсэн үг. 

Дээрх шинэчлэл нь дижитал шилжилтийн өргөн цар хүрээтэй ажлын зөвхөн нэг хэсэг бөгөөд дансны мэдэгдэл авах сувгаа удирдах боломж нээлттэй болсноор шимтгэл, хураамжийн дүнгээ харилцагч өөрөө шийдэх зэргээр санхүүгээ хөтлөн явуулж, төлөвлөхөд нь туслах шинэ боломжийг цаашид улам бүр нэмэгдүүлэх юм.  

Хэрвээ та  одоо ашиглаж буй өмнөх хувилбарыг илүүд үздэг бол түүнийгээ шинэчилсэн аппликэйшнтэй давхар хэрэглэх боломжтой.