1. Ходооны шүүсний хүчил нь цайрыг уусгаж чадна. Золоор,  таны ходоодны дотор ханыг бүрхэж байдаг эсүүд маш түргэн шинэчлэгддэг учир, хүчил эдгээрийг уусгаж амждаггүй байна.    

2. Уушиг нь 300 тэрбум хялгасан судсаас (300 сая гаруй хөндий нүхийг бүрхэж байдаг цусны маш нарийхан судас буюу уушгийг бүрдүүлдэг цэврүү) бүрддэг. Хэрвээ эдгээр хялгасан судсыг нэг шугамаар цувуулан тавивал, 2400 километр  урт болно.

3. Эр хүний төмсөг  өдөр бүр 10 сая эр эс боловсруулан гаргадаг бөгөөд энэ нь Дэлхийн хүний тоог хагас жилд  бүрэн сэргээхэд хангалттай юм.

4. Хүний ясыг бат бөх чанараар нь боржин чулуутай зүйрлэж болно. Хэрвээ хүний ясаар  шүдэнзний хайрцагны дайтай "жижигхэн тоосго” хийвэл, энэ тоосго 9 тонн ачаа дааж чадна!  Энэ нь  ийм хэмжээний бетоны даах хэмжээнээс дөрөв дахин их юм.

5. Хурууны хумс нэлээд хэдэн сард бүрэн ургадаг.

6. Хүний хамгийн том эрхтэн нь арьс.  Насанд хүрсэн хүний арьсны талбай нь бараг хоёр хавтгай дөрвөлжин метр байдаг.  Арьс байнга шинэчлэгддэг бөгөөд амьдралынхаа туршид хүн  арьсныхаа 16 килограмм орчим эсийг "хаядаг байна”.

7. Та унтаж байхдаа найман миллиметрээр өндөр болдог.  Харин өдөр нь таны өндөр хэвийн байдалд ордог бөгөөд энэ нь  таны нурууны мөгөөрсөн жийргэвчүүд  хүндийн хүчний үйлчлэлээр зөөлөн резин шиг хавчигдан агшдаг юм.

8. Хүн бүх амьдралынхаа туршид дунджаар 50 тонн хоол идэж, 50 мянган литр шингэн уудаг байна.

9. Бөөр нь тус бүрдээ нэг сая орчим шүүлтүүрийн элементийг агуулдаг. Үүний ачаар  бөөр  нэг минутад 1,3 литр цус цэвэрлэж, 1,4 литр хүртэл шээс ялгаруулж чаддаг байна.

10. Нүдний алимыг хөдөлгөдөг булчингууд өдөрт 100.000 орчим удаа агшдаг.  Харин жишээ нь хоёр хөлний булчинд  ийм маягаар ачаалал өгөе гэвэл та өдөрт 80 гаруй километр явах хэрэгтэй болно.

11. Хагас цагт хүний бие хоёр литр ус буцалгахад хүрэлцэх хэмжээний дулаан ялгаруулдаг байна.    

12. Цусны эс  цусны системээр аялаж дуусаад, анхны газартаа буцаж ирэхэд минут хүрэхгүй хугацаа шаардагддаг ажээ.

13. Бяцхан хүүхдийн арьснаас авсан шуудангийн маркны дайтай хэсэгхэн арьс сагсан бөмбөгний гурван талбайн дайтай болтлоо ургахад гурван долоо хоног шаардагдана. Үүнийг мэдээжээр лабораторид хийдэг бөгөөд ийм маягаар ургуулсан арьсыг түлэгдэлтийн үед мэс засал хийхэд хэрэглэдэг.

14. Бид хүрээлэн байгаа орчны тухай мэдээллийн 90 хувийг нүдээрээ дамжуулан авдаг байна.

15. Эмэгтэй хүний өндгөвчид хагас сая өндгөн эс байдгаас  400 нь л хүүхдэд амьдрал бэлэглэх магадлалтай байдаг гэнэ.