МҮОНРТ-ийн бүтээл "Хавар” олон ангит киноны гол дүрийн жүжигчин, үзэгчдэд "бүтэлгүй залуу” гэж алдаршаад байгаа Ц.Анхбаяртай ярилцлаа. Түүнийг бүтээсэн дүр шигээ амьдрал дээр ч энгийн хэрнээ тун найрсаг нэгэн гэж найз нөхөд нь дүгнэдэг юм билээ.
ESA—Та МҮОНТ-ээр үдэш бүр үзэгчдэд хүрч буй "Хавар” ОАК-нд Билгээ гэх залуугийн дүрийг бүтээсэн. Дүрийнхээ онцлог, дотоод сэтгэлийг хэрхэн ойлгож, ямар талаас нь гаргаж ирье гэж зорьсон бэ?
Билгээ бол эмээ, охин дүүтэйгээ амьдардаг. Их сургуульд загвар зохион бүтээгчийн мэргэжлээр суралцангаа зөөгч хийж эмээгийнхээ тэтгэвэрт нэмэрлэн амьдралаа залгуулдаг хичээнгүй, мэдрэмжтэй, авъяаслаг залуу юм. Өнөөгийн нийгэмд 20-30 насны залуусыг зарим талаар цагийг дэмий нөхцөөдөг гэж шүүмжлэх хандлага байдаг. Тэгвэл Билгээ бол амжилт гарган, амьдралаа нуруун дээрээ авч яваа, ухаалаг залуусын нэгэн төлөөлөл юм.
ESA—Анхбаярын талаас бүтээсэн дүртэйгээ ижил төстэй шинж чанар байсан уу?
ESA—Киноны дунд үед Билгээ осолд ордог. Харин Маралаа холбоо барихгүй алга болчихсон. Анхааг хүнд байдалд ороход хайртай бүсгүй нь холбоо барихгүй байвал яах вэ?
Миний амьдралд бас хайртай бүсгүй минь холбоо барихгүй үе тохиолдож байсан. Их хэцүү асуудал шүү. Хамгийн гол нь цаг хугацаа харуулна. Тэвчээртэй уучилж тайван хандах хэрэгтэй юм шиг санагдсан.
ESA—Хавар киног үзэж байхад романтик сценүүд их олон дүрслэгддэг. Тэгвэл бодит амьдрал дээр Анхаа хэр романтик хүн бэ?
Ер нь сонгодог зохиол их уншдаг болохоор романтик шүү. Эмэгтэй хүнийг ертөнцийн төгс гоо үзэсгэлэн гэж боддог. Бүсгүй хүнд хараалын үг хэлэх байтугай, муухай харж ч болохгүй гэж боддог. Тэдэнд хайраа өгч сайхан үг хэлж үнэ цэнийг нь мэдрүүлэн хүндлэж байх хэрэгтэй.
ESA—Маралын дүрд тоглосон Х.Жулдыз их үзэсгэлэнтэй бүсгүй юм аа. Зураг авалтын хугацаанд сэтгэл татагдах үе байсан уу?
Их сонин асуулт байна шүү (инээв). Жулдыз бид хоёр кинонд явахаас өмнө нэгнийгээ мэддэг байсан. Манай найзын сэтгэлтэй бүсгүй байлаа. Мэдээж эрэгтэй хүний хувьд үзэсгэлэнтэй бүсгүйг хараад сэтгэл татагдалгүй яахав. Хааяа ямар хөөрхөн юм бэ гэж бодно. Хааяа эрх ч юм шиг өөрийнхөөрөө байгаа байдалд нь татагдах үе байсан.
Үдэш бүр киногоо догдлон үзэж байгаа. Анхны кино болохоор өөрийнхөө алдааг түрүүлж олж хардаг юм байна лээ. Мэдээж их зүйл сурч авч байна. Цаашдаа сурах зүйл бас их байгаа.
сэтгэгдэл