Цусны өвчин гэдэг нь хүнд байх ёстой цусны эрүүл эсүүд хавдрын эсээр солигдож байгаа гэсэн үг юм. Тодруулбал, хүний биед байх ёсгүй хавдрын эсүүд цусанд орж ирж эмгэгээр олширсны улмаас цусны өвчин үүсдэг байна. Мөн хавдрын ген гэж хүн болгонд байдаг бөгөөд энэ генийг дарангуйлж байдаг өөр генүүд бас байдаг. Энэ хоёр ген харилцан тэнцвэртэй байх ёстой ч төрөлхийн идэвхтэй гентэй хүмүүс байдаг. Үүн дээр нэмэгдээд гадны хүчин зүйлүүд нөлөөлснөөр хүмүүс хавдраар өвчлөх нь нэмэгддэг байна.

Хүн төрөлхтний амьдрал сайжрахын хэрээр  химийн гаралтай бүтээгдэхүүн идэж уух нь ихэссэн. Гэвч бидний хэрэглэж байгаа хүнсний бүтээгдэхүүнд баталгаа байдаггүй. Энэхүү гадаадаас оруулж ирж байгаа янз бүрийн жимс, ногоонууд болон генетикийн аргаар боловсруулсан бүтээгдэхүүнүүд хавдар үүсгэх нөхцөл болдог аж. Энэхүү өвчин анх үүсэхэд ямар нэгэн шинж тэмдэг илрэхгүй. Бие сульдах, ядрах, дархлаа суларснаас болж ханиад, томуу хүрэх, хааяа биеэр хөх толбо туурах зэрэг хөнгөн балархай шинж тэмдэг илэрдэг байна. Мөн хамар, буйлнаас цус гарах, эсвэл ямар нэгэн халдварт өвчинд өртөмтгий болдог. Халдварт өвчин шиг урьдчилан сэргийлэх арга  байхгүй.

Харин жилд нэгээс хоёр удаа заавал урьдчилан сэргийлэх үзлэгт орж байх хэрэгтэй. Химийн гаралтай хүнсний бүтээгдэхүүн хэрэглэхээс зайлсхийх нь чухал гэдгийг холбогдох мэргэжилтнүүд анхааруулж байна.