УИХ-ын гишүүн Г.Батхүү агсантай холбоотой хэрэгт "Худал мэдүүлэг өгсөн” гэх үндэслэлээр буруутгагдаж улмаар Ерөнхий прокуророос түүний бүрэн эрхийг түдгэлзүүлж байж шалгах хүсэлтээ УИХ-д хүргүүлсэн тул өнгөрөг ч пүрэв гарагийн чуулганы нэгдсэн хуралдаанаар Н.Номтойбаяр гишүүнийг бүрэн эрхээс нь түдгэлзүүлсэн. Яг энэ үйл явцаас олон нийт их зүйлийг харж мэдэрсэн гэхэд болно.
Товчхондоо бол явуулах нэгнээ төвөггүйхэн явуулчихдаг юм байна. Хамгаалах нэгнээ хамгаалаад аваад үлддэг юм байна. Хамгаалуулсан хүмүүс нь хамгаалсантай халаас нэгтэй байдаг болоод аваад үлддэг юм байна гэх дүр зураг харагдаж байгаа юм.
Олон нийтийн зүгээс Н.Номтойбаяр гишүүнийг томоожоогүй бацаан шиг авир араншин гаргадагт нь дургүйцлээ илэрхийлдэг ч гишүүд шиг ядарсан иргэдийнхээ өмнүүр орж хулгай хийж ЖДҮ-г цөлмөөгүй тоотой хэдэн гишүүдийн нэгд зүй ёсоор багтдагт нь талархдаг. Тийм дээ ч бацаан зантай, юм л бол нударга зөрүүлчих гээд байдаг гишүүнээ УИХ-д үлдэнэ гэж бодож байв. Учир нь ЖДҮ-чдийг түдгэлзүүлээгүй юм чинь... гэж харж, хүлээсэн. Гэтэл МАН-ынхны жүжиг тавилтаасаа эсрэгээр эргэсэн гэхэд олно.
Өнөөдөр "Иргэн Н.Номтойбаяр” болоод байгаа тэрбээр УИХ-ын гишүүд шиг суудалтайгаа чаргууцалдсангүй шууд л яваад өгөв. Бүр шазуураа чанга зууж өөрөө өргөдлөө өгөөд явав. Гэхдээ "Эргэж ирнэ, улс төрөөс түр ч болов ангид байх шалтгаан байна” гэсээр явсан.
Тэрбээр ангийн нөхдөдөө гомдсон нь ч мэдээж...
Гэхдээ л тэр бусдыг бодвол сэтгэлээ тайтгаруулах "хобби”-той болохоор алзахгүй биз. Тэрхүү "хобби”-ныхоо тухай цахим хуудсаараа жиргээд эхэлсэн байна. Өөрөө баартайдаа тэр үү, ангийнхан нь баартай байгаа учраас ч тэр үү, ямартай ч улстөрөөс түр ч атугай ангид байж эр хүний бахархал болсон "Эр зоригийн спорт”-доо анхаарах бололтой.
Тэрбээр 6-р сард Польш улсад болох Европын, 12-р сард Малайзад болох дэлхийн аваргын тухай цахим хуудастаа бичсэн байв.
Тэгвэл тэрбээр өөрөөс нь үл шалтгаалах улстөрийн ертөнцийг орхиж өөр ертөнцөд нэг хэсэгтээ л байх бололтой.