"Нийслэлийн иргэдийн хууль, эрх зүйн боловсролыг дээшлүүлэх” дэд хөтөлбөрийн хүрээнд сар бүрийн 3 дахь долоо хоногийн лхагва гарагт иргэдэд хууль, эрх зүйн үнэ төлбөргүй зөвлөгөө өгөх өдөрлөгийг тогтмол зохион байгуулж байгаа билээ.

Ээлжит өдөрлөг маргааш буюу 2 дугаар сарын 19-нд Нийслэлийн Үйлчилгээний нэгдсэн төвийн "Дүнжингарав”, "Мишээл”, "Драгон”, 6 буудлын "Оргил” салбарууд болон нийслэлийн 9 дүүргийн Засаг даргын Тамгын газрын байранд 9:00-17:00 цагийн хооронд болно.  

Өдөрлөгийн үеэр иргэн, захиргаа, эрүүгийн эрх зүй болон гэр бүл, гэрээний эрх зүйн өөрт тулгарч буй асуудлаар хуулийн зөвлөгөө үнэ төлбөргүй авах боломжтой ажээ.

Иргэн та үнэ төлбөргүйгээр хуулийн зөвлөгөө авахдаа амны хаалт заавал зүүгээрэй.