Өнөөдөр дөрөвдүгээр сарын нэгэн буюу инээдмийн баярын өдөр тохиож байна. Гэхдээ энэ жилийн нөхцөл байдлаас үүдэн уг баярыг тэмдгэлэн өнгөрүүлэх боломжгүй юм. Тэгвэл та бүхэндээ хэрхэн гэрийн нөхцөлд хэрхэн найз нөхөд, гэр бүлээ хуурах талаар сонирхолтой аргуудаас хуваалцъя.
Цэнхэр дэлгэц
Компютерийн дэлгэцэн дээрх файлуудыг нэг тийш хуулж цэвэрлээд, компьютерийн дэлгэцнийх нь дэвсгэр зургийг ийм болгочих хэрэгтэй. Компьютер сайн мэддэггүй хүн ийм дүрс хараад шууд айна.
Хөөсөрдөггүй саван
Гар нүүрийн саванг огт өнгөгүй хумсны будгаар бүхэлд нь будаад байранд нь тавих. Ялангуяа эмээ өвөө, ээж аав, хөөрхөн дүү нараараа ингэж тогловол тэд их гайхна даа.
ОО-той "Орио”
Орио пичений кремийг нь эвтэйхнээр хусч аваад голд нь шүдний ОО-г цэвэрхэн хийгээд гэрийхэндээ өгөөд үзээрэй.
Сонин пицца
Гэр бүлийнхэн болон найзууддаа пицца захиалсан гэж хэлээд пиццаныхаа хайрцганд төрөл бүрийн ногоо хийж болно. Хүсвэл өөр юу ч байсан хамаагүй тэд нарыг хуурах боломжтой зүйлийг хийж ч болно шүү.
Удирдлага яагаад ажиллахгүй байна???
Удирдлаган дээрх телевизтэй холбогдох мэдрэгчтэй хэсгийг скочоор наагаарай. Яаж ч дарсан удирдлага ажлахгүй. Зайг нь солиод ч нэмэргүй.
Гардаггүй шампунь
Магадгүй танай гэрийн хэн нэгэн үсээ угаах гэж байгаа бол шампунийх нь амыг гялгар уутаар таглаарай. Яагаад гарахгүй байгааг нь гайхаж л таарна. Бас гарын шингэн савангаа ч ингэж болно шүү.