Монгол Улсад ажиллаж, амьдарч буй БНСУ-ын иргэд өнөөдөр Улсын онцгой комисст 2000 ширхэг түргэвчилсэн оношлуурыг хандивлалаа. БНСУ-д үйлдвэрлэгдсэн энэхүү оношлуурын шинжилгээний хариу гурван цагийн дотор гардаг байна. Энэхүү төхөөрөмжийг мөн АНУ-д хандивласан юм.

Монголд суугаа Солонгос иргэдийн нийгэмлэгийн төлөөлөгчдөд Монгол Улсын Шадар сайд Ө.Энхтүвшин шаардлагатай тоног төхөөрөмжийг хандивлаж байгаад талархал илэрхийллээ. Тэрээр "Дэлхийн улс орнууд бүгд хамтран ажиллаж байж энэ хүнд хэцүү бүхний ард гарна. Тиймээс улс орнууд туршлага, мэдээллээ хуваалцах нь чухал. Тухайлбал БНСУ-д 4.15 нд явагдах сонгуулийн үйл явц манай улсад ихээхэн туршлага болох болно” хэмээн онцоллоо гэж Монгол Улсын Шадар сайдын ажлын албанаас мэдээллээ.