Цахимаар зохион байгуулсан хамтын ажиллагааны арга хэмжээнд Монгол Улсаас АНУ-д суугаа Онц бөгөөд Бүрэн Эрхт Элчин сайд Ё.Отгонбаяр оролцлоо.

Монгол Улсын Шинжлэх ухаан, технологийн их сургуулийн оюутнууд 2 дугаар курсээ төгссөний дараагаар Жорж Мейсон их сургуульд шилжин суралцах боломжтой болж байна.

Оюутанд тавигдах шаардлагын хувьд хамгийн багадаа голч дүн 2.75 буюу бидний хэлж заншсанаар -B үнэлгээтэй оюутан элсэн суралцах боломжийг нээж өгсөн. TOEFL IBT 80-аас дээш, IELTS 6.5 оноотой байхыг шаардаж байгаа.

Бакалаврын хөтөлбөр 120 ба түүнээс дээш кредит цагтай байдаг. Харин энэхүү хөтөлбөр хэрэгжсэнээр 50 хувийн кредитийг Монголдоо үзнэ. Үлдсэн 2 жил буюу 50 хувийн кредитийг АНУ-ын Жорж Мейсон их сургуульд үргэлжлүүлэн суралцах боломжтой.

/мэргэжлээс хамаарч кредит цаг өөрчлөгдөнө/ ШУТИС, Жорж Мейсон их сургууль хооронд 90 хүртэл кредит шилжүүлэх тухай санамж бичигт тусгаж өгсөн.

ШУТИС-ийн жилийн төлбөр ойролцоогоор 3,500,000 төгрөг. Оюутан эхний 2 жилийн хугацаанд Монголд дахь сургалтын төлбөртөө 7,000.000 орчим төгрөг зарцуулдаг. Жорж Мейсон их сургуулийн гадаад оюутны төлбөр дунджаар 26,000 ам.доллар байдаг. Энэ ханшаар 4 жил суралцахад 104,000 ам.доллар буюу 296,400,000 төгрөгөөр суралцах тооцоо гарч байна. /1 ам долларыг 2850-аар бодсон/

2+2 хөтөлбөрийн дагуу Монголд-2 жил, Америкт-2 жил онцсайн суралцахад АНУ-д дахь амьжиргааны зардал оролцохгүйгээр

52.000 мянган ам доллар биш 1 жилийн 9000 ам.доллар, 2 жилийн 18.000 орчим

ам.доллароор суралцах тооцоо гарч байна.

Монголоос шилжин суралцах оюутан жилд 5,000 ам долларын сургалтын тэтгэлэг авна. Дээр нь 2 дугаар семистрээс эхлэн сургалтын амжилтаас хамаарч 12.000 ам доллар хүртэл хөнгөлөгдөх боломжтой.

Эцэст нь дүгнэхэд АНУ-ын дотоодын сургалтын төлбөрийн нөхцлөөр Монгол оюутнуудаа суралцуулах хэлэлцээрүүд юм. Дараагийн хэлэлцээрүүд АНУ-ын Канзасын Их сургууль, Аляскийн Их сургуулиудтай хийгдэхээр төлөвлөгдөж байгаа болно хэмээлээ.