ЖДҮ-ийг хөгжүүлэх сангаас хөнгөлөлттэй зээл олгох төслийг ААН, бизнес эрхлэгч нараас улсын хэмжээнд хүлээн авч эхэллээ. Энэ удаа сүү, сүүн бүтээгдэхүүн боловсруулах үйлдвэр, хүлэмжийн аж ахуй, мод, жимс, хүнсний ногооны үр, үрсэлгээ, модон шахмал хавтангийн үйлдвэр зэрэг 9 чиглэлээр төсөл хүлээн авч буйг ЖДҮ-гийн газраас мэдээллээ.
Засгийн газраас ХАА-г хөгжүүлэх бодлого шийдвэрийн хүрээнд энэ жил нэг их наяд төгрөгийн зээлийг гаргаж байгаа юм. Энэ жил мөн арьс шир боловсруулах салбарт болон тариалан үйлдвэрлэгч нарт хөнгөлөлттэй зээл олгож байна. Ингэхдээ зээлийг давхардуулахгүй байх зорилго чиглэлийг барьжээ. Нөгөө талаар импортыг орлох, экспортод чиглэсэн бүтээгдэхүүн байх шаардлага тавьж байна. Энэ жил тохиож буй Хоршооны 100 жилийн ойн хүрээнд загвар хоршоог дэмжин зээл олгохоор болжээ.
ЖДҮ-ийг хөгжүүлэх сангаас хөнгөлөлттэй зээл олгох төслийг энэ оны 7 дугаар сарын 6-ныг хүртэл цахимаар хүлээн авахыг мэдэгдэж байна.
ЖДҮ-ийг хөгжүүлэх санд улсын төсвөөс хөрөнгө санхүүжилт байхгүй байгаа учир зээлийн эргэн төлөлтөөс 36 тэрбум төгрөг төвлөрүүлэхээр аян зарлан ажиллаж байгаа гэв. Өнөөдрийн байдлаар ЖДҮ-ийг хөгжүүлэх сангийн дансанд 17 тэрбум төгрөг төвлөрөөд байна. Нийт төвлөрөх 35-36 тэрбум төгрөгөөс 15.4 тэрбум төгрөгийг Засгийн газрын бондын төлбөрт төлж дуусаад сан өр төлбөргүй болж, үлдэх 21 тэрбум төгрөгөөс ЖДҮ эрхлэгч нарт зээл олгох юм. 10-10.5 тэрбум төгрөгийг аймаг бүрд тус бүр 500 сая төгрөгөөр хуваарилан олгох аж.
ЖДҮ-ийг хөгжүүлэх сангаас хөнгөлөлттэй зээл олгох төслийг энэ оны 7 дугаар сарын 6-ныг хүртэл цахимаар хүлээн авахыг мэдэгдэж байна.