2024 оны УИХ-ын сонгуульд нам, эвсэл бие даагч нийт тойрогт 19 нам, хоёр эвслээс болон бие даан нэр дэвшигч 966, жагсаалтаар 15 нам, хоёр эвслээс 370, нийт 1336 нэр дэвшигч оролцож байна. Бид та бүхэнд тойрог бүрийн хамгийн баян нэр дэвшигчдийг танилцуулж байна.
1-р тойрогт МАН-аас нэр дэвшигч Б.Батцэцэг хөрөнгө орлогоор тэргүүлж байна. МУИС, СЭЗИС, Голландын Маастрихтийн менежментийн их сургуулийг төгссөн тэрбээр "Мөнхийн Үсэг" ХХК-ы ерөнхий захирал бөгөөд 2021 оноос Монгол улсын Гадаад Харилцааны сайдаар ажиллаж байгаа билээ. 2024 оны сонгуульд тэрээр 1-р тойрог буюу Архангай, Өвөрхангай, Баянхонгор аймгуудад нэр дэвшиж байгаа билээ.
Ингээд түүний ХОМ-ийг танилцуулъя:
- Нийт орлого-758 сая төгрөг
- Үл хөдлөх хөрөнгө 76 сая
- Тээврийн хэрэгсэл- Байхгүй
- Мал- 30 сая төгрөг
- Үнэт эдлэл- 107 сая
- Хадгаламж-166 сая төгрөг
- Авлага-Байхгүй
- Зээл-172 сая төгрөг
- Хувьцаа- Монголын үнэт цаас хэвлэл ХХК, Бусад