Олны нэрлэж заншсанаар "Урт цагаан” буюу Нийслэлийн өмчийн гуравдугаар байранд үйл ажиллагаа эрхлэхийг зогсоож, хаахаар болсноо Нийслэлийн өмчийн харилцааны газрын удирдлагууд хэллээ.

Энэ тухай тНийслэлийн өмчийн харилцааны газрын дарга Ш.Үнэнбат "Жуулчны гудамжинд байрлах Урт цагаан нийслэлийн өмчит гуравдугаар байр 1958 оноос хойш засвар хийлгүй өнөөдрийг хүртэл үйл ажиллагаа явуулж байна.Нийслэлийн Мэргэжлийн хяналтын байгууллага үйл ажиллагааг нь зогсоох тухай дүгнэлтийг удаа дараа гаргасан. Уг барилга нь галын эрсдэл өндөр, газар хөдлөлтийн чичирхийллийг ч даах чадваргүй, Улаанбаатар хотын хамгийн эрдэлтэй обьектын нэгээр жил болгон тодорхойлогддог. Түрээслэгч нар стандартад нийцүүлэх шаардлагыг удаа дараа тавьдаг. Гэвч түрээслэгчид стандартад нийцсэн ажлын байрыг бий болгож чадахгүй байсаар өнөөдрийг хүрсэн. Иймээс шаардлага биелүүлэхгүй байгаа учир үйл ажиллагааг нь зогсоох гэхээр олуулаа өргөдөл гомдол гаргаж, өмч хөрөнгийн маргаан үүсгэдэг. Нийслэлийн зүгээс ашиглалтын шаардлага хангахгүй дээр үйл ажиллагааг нь зогсоож энэ обьектоос орлого олохоо болих шийдвэр гарсан. Тиймээс үйл ажиллагааг нь зогсоох болно" гэсэн юм.

"Урт цагаан”-ыг 1958 онд хоршоологчдын хөрөнгөөр барьж, үйл ажиллагааг нь эхлүүлсэн ахуй үйлчилгээний төв байсан. Нийт 8000 м2 талбайтай бөгөөд нийслэлтэй 30 иргэн гэрээ байгуулан, цааш нь 200 гаруй иргэнд дамнан түрээсэлдэг байжээ.