Сар шинийн баяр дөхөж хөл хорио тогтоосон хэдий ч нийслэлийн хөдөлгөөний өрнөлд хүний эдээр хүүдэгнэдэг этгээдүүдийн урт гар халаасны хулгайгаар хязгаарлагдахаа больжээ.

ЦЕГ-аас жил бүр уламжлал болгон зохион байгуулдаг "Цагаан сар” хяналт, шалгалтын арга хэмжээний үеэр машин болон машины эд анги хулгайлах хэрэг өмнөх жилийн мөн үетэй харьцуулахад буурчээ. Гэвч хулгайчдын нас залуужиж арга нь нарийсч бусдын үнэтэй хөдлөх хөрөнгөд халдах явдал хэрээс хэтэрч байгаад иргэд бухимдаж байна.

Харанхуй мухар гудамжинд биш нийтийн орон сууцны эзэмшлийн талбайгаас машины гурав, дөрвөн дугуйг мулталж аваад зогсохгүй удаа дараа энэ үйлдлээ давтаж буй этгээдүүдийн ихэнх нь өсвөр насныхан. Цахимаар шуугиад байгаа одуудын хар тамхины хэргийн дараа зүй ёсоор эрэмбэлэгдэх машины эд анги, техник хэрэгслийн  хулгай мухар гудамжинд бус эд хөдөлгөөн дунд явагдаж байгаа нь харамсалтай. Хамгийн хачирхалтай нь хулгайчид анзаарга сайтаагийн хажуугаар судалгааг их сайн хийдэг нь ажиглагдана. Тэд яасан ч камерт бичигдэхгүй хэсгийг сонгож нийтийн өмчид дур мэдэн шунахайрна.

Хөөрхий иргэдэд машины зогсоол олдохгүй учир тэр камергүй гээд байгаа хэсэгт нь машинаа зогсоохоос өөр сонголт байхгүй. Хулгайчдыг өөгшүүлж байгаа энэ асуудалтай оршин суугчид, цагдаагийн алба хаагчид тэр ч бүү хэл нийслэлийн удирдлагууд хүртэл камер тавьж тэмцээд барахгүй байгаа нь тэдгээр этгээд бүлэг болтлоо өргөжсөн гэдгийг нотолж буй.

Тиймээс бүлэг хулгайч нартай нийтээрээ, нийгмээрээ тэмцэцгээе