ДЭМБ-ын ажилтан О.Ариунтуяа "ДЭМБ-ийн байгууллагын гуравдугаар сарын 10-ны мэдээллээр дэлхийн 109 улсад COVID-19 халдварын нийт 113,702 тохиолдол бүртгэгдэж, 24 цагийн дотор дэлхийн хэмжээнд 203 хүн нас барж, нийт нас баралтын тоо 4,012 болжээ.

Мөн сүүлийн 24 цагийн хугацаанд шинээр таван оронд халдвар бүртгэгдсэн байна. Харин БНХАУ-д 17 нас баралт, 20 тохиолдол шинээр бүртгэгдсэн бол БНСУ-д 131 тохиолдол шинээр бүртгэгдсэн бөгөөд буурах хандлагатай байна.

БНСУ-д нийт 180 мянга гаруй хүнд лабораторийн шинжилгээ хийхэд 89 хувьд нь халдвар илрээгүй байна. Итали улсад 1,797 тохиолдол шинээр бүртгэгдэж, нийт тохиолдлын тоо 10 мянга даван нас барсан хүний тоо 631-д хүрч, хоногт 168 хүн нас баржээ. Иранд 595 тохиолдол шинээр нэмэгдэж БНХАУ-аас гадна олон халдвар бүртгэгдсэн гурван орны тоонд орж байна.

ДЭМБ-аас цар тахлын эрсдэл бодит аюул болж байгааг анхааруулсан. Гэхдээ хязгаарлалт хийж болж байгааг улс орнуудын жишээ харуулж байна. COVID-19-ийн тархалт дэлхийн улс орнуудад, 

Тохиолдол бүртгэгдээгүй

Голомтлон гарах,

Импортын тохиолдол бүртгэгдсэн

Хүн амын дунд өргөн тархаж байгаа гэсэн дөрвөн хувилбараар гарч байна.

Манай улсад батлагдсан тохиолдлын жишээнээс харахад, тохиолдлын хавьтлыг нэг бүрчлэн тодорхойлох арга хэмжээг авч ажилллаж байна.

Халдвартай холбоотойгоор хувь хүн байгууллагыг гадуурхах, үндэслэлгүй мэдээлэл тараах, олон нийтийг төөрөгдүүлж айдаст түгшүүрт автуулахгүй байхыг ДЭМБ-аас анхааруулсаар байна” гэлээ.