Эрүүл мэндийн яамнаас өнөөдөр COVID-19 халдвартай холбоотой ээлжит мэдээллээ хийх үеэр ЭМЯ-ны Эмнэлгийн тусламжийн газрын дарга Я.Буянжаргал тусгаарлагдсан, ажиглалтад байгаа хүмүүсийн талаар мэдээлэл өглөө. Тэрээр " Нэгдүгээр сарын 9-нөөс хойш нийтдээ 1273 иргэнийг ажиглалтад авч, хянасан. 282 сэжигтэй тохиолдлыг тусгаарлаж лабораторийн шинжилгээ хийсэн. Өчигдөр Ховд аймгийн Булган суманд гурван иргэнийг тусгаарлан ажиглаж байна.Иргэдийн биеийн байдал сайн байгаа.Өнөөдрийн байдлаар Дархан-Уул аймагт 72 хүн ажиглалтад, нэг хүн сэжигтэй тохиолдол гэж тусгаарлагдсан. 

ХӨСҮТ-д байгаа онош батлагдсан иргэний биеийн байдал тогтвортой. Бид эмчлэгч эмч, зөвлөх эмчтэй холбогдон байнгын мэдээлэл солилцож байна. Мөн шаардлагатай зүрх судас, дүрс оношилгооны эмч нарыг дайчилж ажиллаж байгаа" гэв. 

ХӨСҮТ-ийн захирал Д.Нямхүү "Францын иргэнтэй холбоотой бүх хавьтлуулыш илрүүлсэн нь бидэнд бага эрсдэл үүсэж байгаа гэж үзэж байгаа. Шинжилгээний хариу гарсан ч бид 14 хоног хянана. Хавьтал болсон хүний тоог задалж ярих боломжгүй. Бид зөвлөлдөн Францын иргэнд тодорхой хэмжээнд давтан хийх шинжилгээ хийсэн. Хариу нь эерэг гарсан. Тэрээр бидний эмчилгээ үйлчилгээнд итгэж найдаж байгаа учраас сэтгэл санаа нь тайван байгаа. Тэрээр Франц дахь гэрийнхэнтэйгээ болон Элчин сайдтайгаа утсаар холбогдсон.

Өнөөдөр Дорноговийн кэмпээс нэмж сорьцууд ирнэ. Тэнд тусгаарласан хүмүүсээс давтан шинжилгээ авсан сорьцууд ирж байгаа юм. Үүний хариу маш чухал.

Оношлуурын нөөц хангалттай бий, нэмж захиалсан. 20 минутын дотор хариу нь гардаг түргэвчилсэн оношлуур ч ирсэн" гэлээ. 

Мөн энэ үеэр цаг уурын байдал энэ өвчлөл нөлөөлдөг эсэх талаар сэтгүүлчид тодруулсан юм. ДЭМБ одоогоор CoVid19 вирусийн өвчлөлд уур амьсггал нөлөөлсөн гэсэн судалгаа гараагүй гэлээ.