Тавдугаар сарын 26-ны өдөр Ашигт малтмал, газрын тосны газраас шатахууны үнийн бууралтын талаар мэдээлэл хийсэн. Зургаадугаар сарын шатахууны үнийг зарлахад бензиний үнэ зарагдаж болох үнийн дүнгээс их байлаа. Газрын тосны бүтээгдэхүүний импортын үнээс тооцсон жижиглэнгийн үнийн тооцоонд өртөг үнэ А80 – 868 төгрөг, А92- 964 төгрөг, ДТ- 1493 төгрөг байна. Гэвч өнөөдрийн зах зээл дээрх үнийн дүн А80- 1200 төгрөг, А92- 1300 төгрөгөөр борлуулагдаж байна. Шударга өрсөлдөөн хэрэглэгчийн төлөөх газраас энэ оны дөрөвдүгээр сард шатахуун түгээх станцуудад чанарын шалгалт хийнэ хэмээн зарласан. Шалгалтын үр дүнг ажлын 5 хоногт зарлах ёстой боловч өнөөдрийг хүртэл ямар ч мэдэгдэл, дүгнэлт хийгээгүй байна.
ТӨР.МН
Б. Цэнгэлмаа