Миннеаполис хотод баривчилгааны үеэр нас барсан африк гаралтай Америкийн иргэн Жорж Флойдын задлан шинжилгээгээр коронавирусийн халдвар илэрсэн байна. Энэ тухай Миннесота мужийн Хеннепин тойргийн Шүүхийн шинжилгээний товчоо мэдээлжээ. Тэд задлан шинжилгээний тайланг ил болгохдоо Жорж Флойдын гэр бүлээс зөвшөөрөл авсан байна. Шүүх эмнэлгийн ерөнхий эмч Эндрю Бэйкерийн гарын үсэгтэй дүгнэлтэд талийгаачид хийсэн шинжилгээ эерэг гарсныг илтгээд гэхдээ ковид 19 халдвар Флойдыг нас барахад нөлөөлсөн хүчин зүйлсийн жагсаалтад орохгүй гэжээ. Түүний биед мөн метамфетамин хэрэглэсэн ул мөр илэрсэн байна.