Онцгой байдлын ерөнхий газраас Монгол Улаан загалмай нийгэмлэг хооронд хамтран ажиллах "Санамж бичиг”-ийг 2015 онд байгуулан, таван жилийн хугацаатай хэрэгжүүллээ.

 Санамж бичгийн хүрээнд хийгдсэн үйл ажиллагааны тайлан, үр дүнг хэлэлцэж, цаашид хамтран ажиллах чиглэлээ тодорхойлох зорилгоор зохион байгуулж байгаа "Удирдах ажилтны хамтын ажиллагааны уулзалт” эхэллээ.

 Уулзалтад төв, орон нутгийн Онцгой байдлын газар болон Улаан загалмайн хорооны удирдлагууд оролцож байгаа юм.

 Энэ хүрээнд "Ослын үеийн удирдлагын систем”-ийн сургалтыг өнөөдөр зохион байгуулж байна гэж Онцгой байдлын ерөнхий газраас мэдээллээ.