АН-ыг мөнгөний нам болгож, нэр дэвшигчдээ ТҮЦ-ны машин болгосон С.Эрдэнэ өөрөө мөнгөтэй үлдэж, намаа өртэй үлдээгээд огцорсон. Түүний орыг залгаад буй энэ шалгалтаар С.Эрдэнэтэй холбоотой 8 тэрбум төгрөгийн зөрчил илэрснийг намынхаа нэр хүндийг бодолцон маш нууцалж байгаа юм байна. Үүнээс 3 тэрбум нь сох дутаад байгаа бололтой. С.Эрдэнэ сонгуулийн үйл ажиллагаанд зарцуулсан хэмээн тайлбарлаж буй ч хаана, юунд зарцуулсан баримт нь олдохгүй байгаа юм байна. Шаварт унасан шарын эзэн гэгчээр түүний халааг авч намын даргын үүрэг гүйцэтгэгчээр үлдсэн Ц.Туваан орон нутгийн сонгуулиар ухуулагч болон хэвлэл мэдээллийнхний өр ширийг барагдуулахын тулд наашаа гэх хүн бүрээс тусламж дэмжлэг гуйж байгаа аж. Улс төрд Ерөнхийлөгч Х.Баттулгын хүн хэмээн яригддаг түүнийг АН-ын даргаар жинхэлж чадах эсэх нь энэ удаагийн сонгуулийн үр дүнгээс шууд шалтгаална. Тиймээс 2021 оны Ерөнхийлөгчийн сонгуулиар туг тойрох хүсэлтэй байгаа Ерөнхийлөгч Х.Баттулга Ц.Туваанд гар сунгаж, С.Эрдэнийн үлдээсэн өр ширийг зохицуулж эхэлжээ. Эхний ээлжинд хэвлэлийнхэнд өгөх ёстой 1,8 тэрбум төгрөгийг зохицуулахаа амлажээ. Үүнээс үзвэл Ерөнхийлөгч Х.Баттулга АН-аас дахин Ерөнхийлөгчид нэр дэвшихээр орон нутгийн сонгуулиар хөлөө бэхжүүлж эхэлсэн бололтой.
УИХ-ын сонгуульд горьлогчдоос 100 сая нэхсэн С.Эрдэнэ БГД-т нэр дэвшигчдийнхээ мөнгийг даана
Намын даргын эрх мэдэл, гарын үсгээ 100 сая төгрөгөөр үнэлж, сонгуулийг тендер болгон "бизнес” хийсэн С.Эрдэнэ шиг ичгүүргүй улстөрч ардчиллын 30 жилийн түүхэнд гараагүй. Муу нэртэй луу данстай Н.Энхбаяр хүртэл авилгын загалмайлсан эцэг гэх нэр хочтой байсан ч арай ч намаа, гишүүдээ мөнгөөр худалдаж байгаагүй юм. Харин ардчиллын түүхэнд анх удаа С.Эрдэнэ АН-аа, гишүүдээ мөнгөөр үнэлж гудамжинд гаргасан. Тэр ч байтугай сонгуульд горилогчид болон нэр дэвшигч, хандивлагчдаас босгосон мөнгөнөөс 8 тэрбумаар дутааж аудитын шалгалтын өмнө булай болж бүлтэлзэж яваа гэнэ. Сонгуульд ажилласан ухуулагч нараа цалин урамшуулалгүй үлдээж, телевиз хэвлэлээр явуулсан сурталчилгааныхаа төлбөрийг төлөлгүй намаа, нэр дэвшигчдээ өр ширэнд үлдээсэн атлаа Орон нутгийн сонгуулиар нийслэлийн Баянгол дүүргийг өмчлөн нэр дэвшүүлсэн өөрийнхөө 20 гаруй хүний бүх зардлыг дааж байгаа аж.
Энэ удаагийн сонгуульд АН МАХН болон ШИНЭ намтай эвсэн оролцож буй. Нийслэлийн тойргууддаа нэр дэвшигчдээ хуваан байршуулсан. Харин С.Эрдэнэ БГД-т дангаараа АН-ын квотыг өмчилж авчээ. Тиймээс эвсэл болсон намууд болон АН-ынхны дунд С.Эрдэнийг УИХ-ын сонгуулиас сох дутаад буй 3 тэрбум төгрөгөө БГД-т цацаж, ямар ч үнээр хамаагүй БГД-т өөрийн ноёрхлоо хадгалахаар "сүүлчийн сумаа" тавьж байгаа гэсэн яриа тараад байна.
Аудитаар шалгалтаар сох дутсан 3 тэрбумыг С.Эрдэнээр төлүүлэх үү?
АН-ыг мөнгөний нам болгож, нэр дэвшигчдээ ТҮЦ-ны машин болгосон С.Эрдэнэ өөрөө мөнгөтэй үлдэж, намаа өртэй үлдээгээд огцорсон бололтой. Түүний орыг залгаад буй Ц.Туваан намын тамга тэмдгийг авсан даруйдаа наймдугаар сарын сүүлчээр АН-д аудитын шалгалт оруулжээ. Энэ шалгалтаар С.Эрдэнэтэй холбоотой 8 тэрбум төгрөгийн зөрчил илэрснийг намынхаа нэр хүндийг бодолцон маш нууцалж байгаа юм байна. Үүнээс 3 тэрбум төгрөг нь сох дутжээ. С.Эрдэнэ сонгуулийн үйл ажиллагаанд зарцуулсан хэмээн тайлбарлаж буй ч хаана, юунд зарцуулсан баримт нь олдохгүй байгаа аж. Шалгалтаар АН-ын төв аппаратад гэхэд л юу хийдэг нь тодорхойгүй 80 хүнийг байнгын цалинтай ажиллуулж үргүй зардал их гаргасан байна. Мөн УИХ-ын сонгуульд хамтран ажиллахаар гэрээ байгуулсан ч ухуулагч нарын цалин, урамшууллыг олгоогүй, хэвлэл мэдээллээр цацуулсан сурталчилгааныхаа төлбөрийг төлөөгүй зэрэг 2-3 тэрбум төгрөгийн өр төлбөртэй үлдээжээ.
АН-ын даргын үүрэг гүйцэтгэгч Ц.Тувааныг улс төрд Ерөнхийлөгч Х.Баттулгын хүн хэмээн ярьдаг. Түүнийг АН-ын даргаар жинхэлж чадах эсэх нь энэ удаагийн сонгуулийн үр дүнгээс шууд шалтгаална. Тиймээс 2021 оны Ерөнхийлөгчийн сонгуулиар туг тойрох хүсэлтэй байгаа Ерөнхийлөгч Х.Баттулга Ц.Туваанд гар сунгаж, орон нутгийн сонгуулийн өмнө хэл амыг намжааж, С.Эрдэнийн үлдээсэн өр ширийг даралцах бололтой. Эхний ээлжид хэвлэлийнхэнд өгөх ёстой 1,8 тэрбум төгрөгийг зохицуулахаа амлажээ. Үүнээс үзвэл Ерөнхийлөгч Х.Баттулга Ц.Тувааныг жинхэлэхэд тусламж үзүүлэн, орон нутгуудад өөрийн хүнээ байршуулах замаар нам дахь хөлөө бэхжүүлэн, АН-аас дахин Ерөнхийлөгчид нэр дэвшихээр хүч хөрөнгө, хаяж байна. Харин энэ сонгуулийн дараа АН-д жинхэнэ шинэчлэл эхлэхээр байгаа юм. Учир нь 11 дүгээр сард хуралдуулахаар товлоод байгаа АН-ын их хурлаар С.Эрдэнэд хариуцлага тооцож зүгээр нэг огцруулаад орхилгүй улс төрөөс нэгмөсөн явуулна гэсэн чиглэлтэй байгаа аж. Эхний ээлжинд аудитын шалгалтаар илэрсэн 8 тэрбум төгрөгийн зөрчлөөр нь С.Эрдэнээс "ял” асууж, сох дутсан 3 тэрбум төгрөгийг төлүүлэх, эс бөгөөс "Шонхор плаза”-гийн байраар нь "бартердаж” АН-аа ядаж байртай болгох бололтой.