Энэ удаагийн УРЛАГ булангаараа хэдэн сарын турш үзэгчдийг байлдан дагуулсан ИСТАНБУЛЫН БЭР киноны гол дүрийн жүжигчин ОЗЖАН ДЕНИЗ-ын талаарх мэдээллийг хүргэж байна.
Жүжигчин Озжан Дениз нь 1972 оны 5-р сарын 19-нд төржээ. Тэрээр туркийн алдартай жүжигчин, дуучин , хөгжмийн зохиолч бас найруулагч билээ.
Түүний гэр бүл Курд гаралтай юм. Денизийн гэр бүл анх Агригийн гаралтай байсан боловч тэрээр Анкара хотод төрсөн бөгөөд Айдынд өсчээ.Тэр бол Шакиро нэртэй алдарт курдын дуучны зээ хүү юм.Озжан денизийн урлагийн намтар түүнийг дөнгөж 13 настай байхад эхэлсэн. Тэрбээр ахлах сургуулийнхаа театрын жүжүигт өөрөө тоглож, орон нутгийн сонирхогчдын театрын дугуйланд оролцож эхэлсэн бөгөөд анхны найрал хөгжмийн бүтээлээ 1985 онд Айдын хотод тоглож байжээ.1988 онд хөгжмийн карьераа хөөхөөр Истанбул , мөн 1998 онд Герман руу нүүж байжээ. Түүнийг Германы Мюнхан хотын хөгжмийн продюсерүүд анх авьяасын нээн илрүүлжээ.Түүний анхны цомог "Aglattin Beni" нь 1992 онд гарч байжээ.1993 онд гарсан Melegim цомгоороо олны танил болжээ.1994 онд тэрээр "Beyaz Kelebegim"цомгоо гаргажээ. Харин түүний жүжигчний карьер 1994 онд Memdi Un-ийн найруулсан ''Ona Sedigimi Soyle'' кинонд тоглосноор эхэлсэн юм.Дениз цэргийн алба 3 жил хаасны дараа нэртэй өөр цомог гаргаж тэр жилдээ '' Yalan mi '' олон ангит кинонд тоглож эхэлсэн. 1999 онд тэрээр ''Ашкин Дагларде Гезер'' хэмээх олон ангит кинонд тоглосон бөгөөд зохиолыг нь өөрөө бичжээ. 2002 онд тэрээр маш алдартай Асмалы Конак нэртэй олон ангит киноны гол дүрд тоглосон байдаг. Ингээд түүний жүжигчний карьер амжилттай үргэлжилж бидний үзэх дуртай Истанбулын бэр киноны гол дүрд тогложээ.
ТҮҮНИЙ ХУВИЙН АМЬДРАЛ
Жүжигчин дуучин гээд олон мэргэжил эзэмшсэн түүний авьяаслаг бүтээлч байдал нь хувийн амьдралыг нь амжилтад хүргэж чадсан юм. Царайлаг авьяаслаг жүжигчин маань олон кино болон поп ододтой нэр холбогдож байсан хэдий ч тэрээр энэ сэдвээр ярих дургүй нэгэн билээ. 1991 онд тэрээр жүжигчин Хандан Дениз гэх бүсгүйтэй гэрлэж байсан.Гэвч хосууд харилцаагаа удаан хадгалж чадаагүй бөгөөд гэрлэлтээ 2000 онд цуцалжээ. Үүнээс хойш түүнийг олон хүмүүстэй холбон бичиж байв. Озжан Дениз тэр болгон хувийн амьдралаа олонд дэлгэдэггүй. Харин шүтэн бишрэгчдийг нь гайхшруулсан нэг мэдээ бол 2018 оны 3-р сарын 15-нд Фейза Актан гэх бүсгүйтэй хуримаа хийсэн гэсэн мэдээ байв.
Түүний хуримын ёслол Истанбулын гэртээ ойр дотны найз нөхөд, хамаатан садныхаа хүрээнд хийжээ. Фейза хуримнаасаа өмнө жирэмсэн байжээ. Тэд удалгүй хүүтэй болсон юм. Хүүд аавынхаа овгийг өгсөн бөгөөд Кузей Дениз гэдэг.Харамсалтай нь тэд 2019 онд салсан гэх мэдээлэл байдаг . Тэр энэ шийдвэрийнхээ шалтгааныг сэтгүүлчдэд мэдээлэхээс татгалзсан байна.
Орчуулсан Д.Долгормаа