Монгол Улсын Засгийн газрын 2019 оны 204 дүгээр тогтоолоор "Түүхэн үйл явдлын ой, тэмдэглэлт өдрийн жагсаалт”-ыг батлахдаа жил бүрийн 9 дүгээр сарын 2 дахь Ням гарагийг "Соёл, урлагийн ажилтны өдөр” болгон тэмдэн өнгөрүүлэхээр тусгасан байдаг. Тус өдрийг 1993 оноос эхлэн уламжлал болгон тэмдэглэж ирсэн бөгөөд энэ жилийн хувьд салбарын шилдгүүдээр тодорсон нийт албан хаагчид, уран бүтээлчид, соёлын ажилтнуудын төлөөлөл болсон зарим хүмүүст шагналыг нь Соёлын яамны Төрийн нарийн бичгийн дарга С.Оюунбилэг гардууллаа.

Энэ жилийн шагналтнуудын тодорсон энэ өдөр Соёлын салбарын Залуучуудын хөгжлийн зөвлөлүүдийн гишүүдийн төлөөлөл болж, дараах залуучууд шагнагдлаа. Үүнд:

"Монгол Улсын Соёлын тэргүүний ажилтан” цол тэмдгээр,

1. Батбаярын ТӨРМӨНХ

Утга зохиолын Залуучуудын хөгжлийн зөвлөлийн тэргүүлэгч гишүүн, Мон судар хэвлэлийн газрын номын зураач, хариуцлагатай редактор

2. Доржпүрэвийн ДАРМАА

Хөгжмийн урлагийн Залуучуудын хөгжлийн зөвлөлийн тэргүүлэгч гишүүн, Монгол Улсын Консерваторийн тэнхимийн эрхлэгч, хөгжмийн багш

3. Дашцэрэнгийн БАЯНЦЭЦЭГ

Соёл, урлагийн менежер Залуучуудын хөгжлийн зөвлөлийн тэргүүлэгч гишүүн, Мисс монголиа холбооны гүйцэтгэх захирал

4. Пүрэвдагвын РАВЖИР

Дууны урлагийн Залуучуудын хөгжлийн зөвлөлийн тэргүүлэгч гишүүн, Нийтийн дуучдын нэгдсэн холбооны Удирдах зөвлөлийн гишүүн

5. Лувсандоржийн ЦЭРЭНДУЛАМ

Тайз дэлгэцийн урлагийн Залуучуудын хөгжлийн зөвлөлийн тэргүүлэгч гишүүн, Цээгийнаа арт салоны захирал

6. Доржсүрэнгийн НЯМДАВАА

Дууны урлагийн Залуучуудын хөгжлийн зөвлөлийн тэргүүлэгч гишүүн, Нийтийн дуучдын нэгдсэн холбооны Удирдах зөвлөлийн гишүүн

7. Золзаяагийн СҮХБАТ

Циркийн урлагийн Залуучуудын хөгжлийн зөвлөлийн тэргүүлэгч гишүүн, "Troupe zola” хамтлагийн гишүүн

8. Баянмөнхийн ГҮРБАДАМ

Дууны урлагийн Залуучуудын хөгжлийн зөвлөлийн тэргүүлэгч гишүүн, Нийтийн дуучдын нэгдсэн холбооны Удирдах зөвлөлийн гишүүн

Соёлын яамны жуух бичгээр,

1. Оюунжаргалын ЗУЛЦЭЦЭГ

Соёл, урлагийн менежер Залуучуудын хөгжлийн зөвлөлийн дарга, Соёл урлаг, хэвлэл мэдээллийн төслийн менежмент, зөвлөгөө ТББ-ын гүйцэтгэх захирал

2. Мягмарын БОРОЛДОЙ

Соёл, урлагийн менежер Залуучуудын хөгжлийн зөвлөлийн тэргүүлэгч гишүүн, Блек бокс театрын захирал

3. Хойлогдоржийн ЧОЙДОГЖАМЦ

Утга зохиолын Залуучуудын хөгжлийн зөвлөлийн тэргүүлэгч гишүүн, СУИС-ийн Театрын сургуулийн багш

4. Баярсайханы САЙНСАНА

Соёл, урлагийн менежер Залуучуудын хөгжлийн зөвлөлийн тэргүүлэгч гишүүн, Юник медиа партнершип ХХК-ны захирал

5. Болатын БАХАТГҮЛ

Соёлын аялал жуулчлалын Залуучуудын хөгжлийн зөвлөлийн Нарийн бичгийн дарга, "Аргамаг тур” ХХК-ны дотоод аялаллын хөтөч, тайлбарлагч

6. Хөххүүгийн БАТТУЯА

Соёл, урлагийн менежер Залуучуудын хөгжлийн зөвлөлийн тэргүүлэгч гишүүн, Алаг бэх арт галерей нь эрхлэгч

7. Дамдинбаатарын Дэгидбадам

Соёлын аялал жуулчлалын Залуучуудын хөгжлийн зөвлөлийн Нарийн бичгийн дарга, "Морнинг стар лэнд” ХХК-ны Борлуулалт, маркетингийн албан дарга

Ийнхүү салбарын мянга мянган залуучуудынхаа түүчээ болж, салбарын эрхэм шагналаар шагнагдсан залуучууддаа сайн сайхныг хүсэн ерөөе.

Урлагийн тэнгэр "Янжинлхам” бурхан бид бүхнийг өнөд ивээж явахын өлзийтэй ерөөлийг дэвшүүлье.