Монгол Улс 2020 оны эхний таван сард нийт 131 улстай худалдаа хийж, гадаад худалдааны нийт бараа эргэлт дөрвөн тэрбум ам.доллар болжээ. Үүнээс экспорт хоёр тэрбум ам.доллар, импорт хоёр тэрбум ам.доллар байна.
Нийт бараа эргэлтийн хэмжээ өмнөх оны мөн үеэс 1.6 тэрбум ам.доллар буюу 28.3 хувиар буурсан байна. Өмнөх оны мөн үеэс экспорт 1.3 тэрбум ам.доллар буюу 38.5 хувиар, импорт 322.6 сая ам.доллар буюу 13.9 хувиар тус тус буурчээ.
Харин өнгөрсөн тавдугаар сард экспорт 632.7 сая ам.долларт, импорт 406.1 сая ам.доллар болж, өмнөх сараас экспорт 294.9 сая америк доллараар өсөж, импорт 18.7 сая америк доллараар буурсан байна.