ЗӨСҮТ-ийн дэд захирал Б.Амгаланбаяр тарваган тахлын халдварын талаар мэдээлэл өгсөн. Тэрбээр "Манай улсын 17 аймгийн 137 суманд тарваган тахлын байгалийн голомттой гэж тогтоогдсон. 2020 оны эхний 7 сарын байдлаар тарваган тахлын сэжигтэй 9 тохиолдол бүртгэгдсэнээс лабораторийн шинжилгээгээр тогтоогдсон 3 өвчтөний нэг нь нас барсан.Улсын хэмжээнд тарваган тахлын дархлаажуулалт хийж байгаа бөгөөд 41 мянга орчим иргэнийг тарваган тахлын дархлаажуулалтад хамруулаад байна. Энэ долоо хоногт нэмж 10 мянган хүнийг дархлаажуулах ажээ.
Тэрбээр "Тарваган тахалд ихэвчлэн 15-17 насны эрэгтэй хүүхдүүд өртөж байна. Иймд эцэг эх, асран хамгаалагч нар үр хүүхэддээ мэдээлэл өгч анхааруулга сэрэмжлүүлгийг сайтар хэлж ойлгуулах хэрэгтэй байна" гэсэн юм.