NFL буюу Хойд Америкийн хөл бөмбөгийн лигийн аваргыг шалгаруулах тоглолт Super Bowl өнөөдөр боллоо. Тоглолтод 31-9 харьцаагаар Тампа Бэй Буканьерс хожсон бол өнгөрсөн жилийн аварга Канзас Сити Чифс ялагдал хүлээлээ.

55 дахь удаагийн Super Bowl Флорида мужийн Тампа хотын Реймонд Жеймс цэнгэлдэх хүрээлэнд болсон ба 25 мянган хүн үзэж сонирхжээ.

Super Bowl-ын түүхэнд дэх хамгийн бага үзэгчтэй уг тоглолтыг алдарт дуучин The Weeknd нээн дуулсан юм. Тампа цэнгэлдэх хүрээлэн нь өмнө дөрвөн удаа Super Bowl-ыг зохиож байсан ба Тампа Бэй Буканьерс баг өөрийн талбайдаа финалын тоглолтыг хийсэн анхны баг боллоо.

Тоглолтын шилдгээр Тамба Бэй багийн Том Брэди нэрлэгдсэн ба тэрээр арав дахь Super Bowl-даа оролцож долоо дахь түрүүгээ хүртсэн байна.